2 Samuweli 8:2 - Mandinka Bible

² Dawuda ye Mowabinkoolu fanaa noo keloo la le. A ka a ke le, ì ye i laa bankoo to. Moo saba-wo-saba, a ka fula le bo jee, a ye wolu faa. Moo sabanjaŋo, a ye wo tu jee. Wo to le Mowabinkoolu ye ì faŋ seyi a ma, ì ka naamoo joo a yaa.

2 Samuweli 8:2 Mawu Ofanana

2 Samuweli 12:31

Aduŋ a ye moolu fintindi saatewo kono, a ye ì dookundi niŋ seeroolu, dabandiŋolu, aniŋ teeraŋolu la, aniŋ fanaa a ka ì forisee le, ì ka biriki kosoo ke. Dawuda ye ñiŋ kuu kiliŋo le ke Ammoninkoolu la saatewolu bee la. Bituŋ a niŋ a la kelediŋolu muruta Yerusalaamu.

2 Samuweli 8:6

A ye daakaalu loo Aramunkoolu la mansamarali bankoo kaŋ, meŋ na kundaa baa mu Damasiku ti, aduŋ Aramunkoolu sonta a ma, ì ka naamoo joo a yaa. Dawuda taata daa-wo-daa, Yaawe* ka a ke le, a ye nooroo ke.

1 Mansoolu 4:21

Sulemani le kandaayaata mansa marali bankoolu bee kunna ka bo Yufurati Boloŋo to ka taa fo Filisitinkoolu la bankoo kaŋ, ka taa bula fo Misira bankoo naanewo la. Ì ka naamoo samba naŋ Sulemani ye le nuŋ, aduŋ ì be a la kaŋo le koto a la baluwo waatoo bee kono.

2 Mansoolu 1:1

Mansa Ahabu la saayaa koolaa Mowabi bankoo ye balaŋo le tiliŋ Banisirayila la.

2 Mansoolu 17:3

Asiriya mansa Salimanesa wulita naŋ ka naa Hoseya kele. Hoseya naata tara a la kaŋo le koto, aduŋ a ka naamoo joo a yaa le.

1 Taarika 18:2

Dawuda ye Mowabinkoolu fanaa noo le. Bituŋ Mowabinkoolu ye ì faŋ seyi a ma, ì ka naamoo joo a yaa.

2 Taarika 26:8

Ammoninkoolu ka naamoo joo Usiya yaa, a semboo naata wara baake, wo ye a tinna le a darajoo janjanta fo Misira.

Jabuuroolu 108:9

Mowabi, wo mu n na bulu kuuraŋ miraŋo le ti. N ka n na samatoo wura Edomu bankoo le kaŋ ka n tooyaa yitandi a kunna. N ka wuuroo kumandi Filisitinkoolu ma le, n na ì noo kaŋ.”

Jabuuroolu 18:45

Ì bee ka jikilateyi le, ì jarajaratoolu ka bo naŋ ì la tatoolu kono.

Jabuuroolu 60:10

Hee Alla, i ye i bo ǹ to le duŋ baŋ? Fo i te tara la ǹ na kelediŋolu fee keloo to kotenke?

Jabuuroolu 60:8

Mowabi, wo mu n na bulu kuuraŋ miraŋo le ti. N ka n na samatoo wura Edomu bankoo le kaŋ ka n tooyaa yitandi a kunna. N ka wuuroo kumandi Filisitinkoolu ma le, n na ì noo kaŋ.”

Jabuuroolu 83:6

Edomunkoolu niŋ Isimayila koomalankoolu le mu, Mowabinkoolu niŋ Hajara koomalankoolu,

Yesaya 36:16

Ali kana i lamoyi Hesekiya la. Asiriya mansa ko ali ye soŋ kayiroo la ali niŋ ate teema, aduŋ ali si finti naŋ saatewo kono ka ali faŋ seyi a ma. Niŋ wo keta, moo-wo-moo be a fansuŋ wayini* yiridiŋolu niŋ sooto yiridiŋolu domo la le, aduŋ a be i miŋ na a fansuŋ koloŋo le to.

4 Musa 24:17

Ŋa moo le la kuwo je bari a maarii la kuwolu maŋ ke saayiŋ ti. Ŋa a je le, bari a be jamfariŋ ne de. Moo le be bo la Yaakuba bala ko looloo, maralilaa le be naa finti la Banisirayila. A be Mowabi maralilaalu bee kuŋo teyi la le, a ye Seti koomalankoolu bee kasaara.

1 Samuweli 10:27

Bari moo kenseŋo doolu ko, “Ñiŋ be ntolu tankandi la ñaadii le?” Ì jututa a la, aduŋ ì maŋ soorifeŋ samba a ye naŋ. Bari Sawulu tuta deyiriŋ ne.

1 Samuweli 14:47

Kabiriŋ Sawulu keta Banisirayilankoolu la mansa ti, jawoolu be daa-wo-daa, a ye ì bee kelendi le. Mowabinkoolu, Ammoninkoolu, Edomunkoolu, Soba mansoolu, aniŋ Filisitinkoolu, a ye wolu bee kelendi le. A ye keloo ke daa-wo-daa, a ka wolu noo le.

1 Samuweli 22:3

Ka bo wo to le, Dawuda taata Misipa, meŋ be Mowabi bankoo kaŋ. A ko Mowabi mansa ye ko, “Dukaree! M baamaa niŋ m faamaa bula, ì ye naa sabati ali fee jaŋ, fo niŋ ŋa a loŋ, Alla be meŋ ke la n ye.”

1 Samuweli 22:4

Bituŋ a ye ì niŋ Mowabi mansa bula, a niŋ ì sabatita jee, waatoo meŋ na ate be tatoo kono, meŋ be konkoo santo.