2 Samuweli 6:22 - Mandinka Bible

²² M be naa dooyaaroo lafaa kuu la le, aduŋ m be m fammajii la le. Bari ñiŋ joŋ sunkutoolu, i ka mennu la kumoo fo, wolu be n horoma la le.”

2 Samuweli 6:22 Mawu Ofanana

1 Musa 32:10

Nte maŋ jari, i ye kanu bambaloo niŋ tiliŋo meŋ yitandi n na, i la dookuulaa. N niŋ n na taamaraŋ dokoo doroŋ ne ye ñiŋ Yoridani Boloŋo teyi, bari saayiŋ a fele, n keta kafu fula ti.

2 Samuweli 6:21

Dawuda ko Mikali ye ko, “Ŋa a ke le, ka Yaawe buuñaa. A ye nte le tomboŋ, ka ke a la moolu Banisirayilankoolu la maralilaa ti. Bari a ye mansamarali bankoo buusi i faamaa niŋ a la dimbaayaa bee bulu le. Bituŋ saayiŋ, m be tenteŋ na le, ka n doŋ Yaawe ñaatiliŋo la.

2 Samuweli 6:23

Aduŋ Mikali Sawulu dimmusoo maŋ naa diŋ soto fo a faata.

Yuuba 40:4

“Nte maŋ jari feŋ na. Nte be i jaabi noo la muŋ ne la? N te kuma fo la kotenke.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Jabuuroolu 131:1

Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Yesaya 50:6

Ŋa n koo bondi moolu ye le mennu ka m buutee, n kaaraa moolu ye mennu ka m booraa saba. M maŋ n ñaadaa maabo ñaawaliroo niŋ daajii fayoo kamma.

Yesaya 51:7

“Ali i lamoyi n na, alitolu mennu ye kuu tilindiŋo loŋ, n na luwaalu be alitolu mennu sondomoo kono, ali kana sila moolu la malundiroo la, waraŋ ka sila ì la nendiroolu la.

Maaka 14:66

Kabiriŋ Pita be duuma luwo to, piriisi kuntii baa la jommusu doo naata.

1 Timoti 1:15

Tooñaa kumoo fele, meŋ jarita ka muta: Kiristu Yeesu naata duniyaa kono le ka junubelaalu kiisa, aduŋ nte le mu junubelaalu bee kuntonkoo ti.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

1 Pita 4:14

Niŋ moolu ye ali neŋ Kiristu too kamma la, ali barakata le, kaatu Alla la Nooroo be ali kaŋ ne, meŋ kallankeeyaata.

1 Pita 5:6

Ali ali fammajii Alla sembemaa baa ye, fo a si ali sikandi a waatoo la.

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.