2 Samuweli 6:15 - Mandinka Bible

¹⁵ Ate niŋ Banisirayilankoolu bee le ka Yaawe la Kambeŋ Kunewo samba, ì seewootoo be wuuri kaŋ santo, aduŋ ì ye saakotoŋ binoo* fee.

2 Samuweli 6:15 Mawu Ofanana

2 Samuweli 6:14

Dawuda ye piriisoo* la duŋ feŋo siti a tee to, a ye i doŋ Yaawe ñaatiliŋo la niŋ a semboo bee la.

2 Samuweli 6:16

Biriŋ Yaawe la Kambeŋ Kunewo be duŋ kaŋ Yerusalaamu, Mikali meŋ keta Sawulu dimmusoo ti, ye juubeeroo ke niŋ palanteeroo la. Biriŋ a ye a je, Mansa Dawuda seewooriŋo be i doŋ kaŋ Yaawe ñaatiliŋo la, a jututa a la a sondomoo kono.

1 Taarika 15:16

Dawuda ye Lewi lasili ñaatonkoolu yaamari le ka tombondiri ke Lewi lasiloo moolu kono, ka seewoo suukuwo laa, aniŋ ka kontiŋolu, kooraalu aniŋ jaawali palaatoolu kosi.

1 Taarika 15:25

Wo to le Dawuda niŋ Banisirayila ñaatonkoolu aniŋ wuli kiliŋ kafoo ñaatonkoolu taata, ka Yaawe la Kambeŋ Kunewo taa ka bo naŋ Obedi-Edomu la suwo kono, ka a samba Dawuda la Saatewo to, ì niŋ seewoo baa.

1 Taarika 15:28

Aduŋ Banisirayilankoolu bee le be Yaawe la Kambeŋ Kunewo samba kaŋ, ì seewootoo be wuuri kaŋ santo, ì be jaawali palaatoolu, kooraalu niŋ kontiŋolu kosi kaŋ, ì be saakotoŋ binoo* fanaa fee kaŋ.

Jabuuroolu 132:18

A jawoolu wo, m be maloo dendikamaa le tu la dundiŋ ì la. Bari ate la mansanaafoo be tu la malamala la a kuŋo to le.”

Jabuuroolu 149:5

Alla la lannamoolu ye seewoo a la horomoo la, ì si suukuwo laa ì laadulaalu to, seewoo kamma la.

Jabuuroolu 150:3

Ali footaŋolu kumandi ka a jayi, ali a jayi kontiŋolu niŋ kooraalu la.

Jabuuroolu 47:1

Duniyaa moolu, ali buloo kosi ka ali la seewoo yitandi. Ali Alla jayi kendeke.

Esekiyeli 46:10

Mansa niŋ jamaa moolu be duŋ na ñoo la le, ì ye finti ñoo la fanaa.

Habakuki 3:18

bari hani wo ñaa-wo-ñaa, nte be seewoo la Yaawe* la kuwo la le, m be seewoo la Alla la kuwo la le, n Kiisalaa.