2 Samuweli 6:14 - Mandinka Bible

¹⁴ Dawuda ye piriisoo* la duŋ feŋo siti a tee to, a ye i doŋ Yaawe ñaatiliŋo la niŋ a semboo bee la.

2 Samuweli 6:14 Mawu Ofanana

2 Samuweli 6:15

Ate niŋ Banisirayilankoolu bee le ka Yaawe la Kambeŋ Kunewo samba, ì seewootoo be wuuri kaŋ santo, aduŋ ì ye saakotoŋ binoo* fee.

2 Samuweli 6:20

Kabiriŋ Dawuda muruta a la suwo kono, ka neemoo daani a la dimbaayaa ye, Mikali meŋ mu Sawulu dimmusoo ti, fintita naŋ ka a benduŋ, aduŋ a ko, “Banisirayilankoolu la mansa ye a faŋo sikandi ñaameŋ bii, ka a la dendikoolu bondi a la dookuulaalu la joŋ sunkutoolu ñaa la, ko moo fuuriŋo.”

1 Taarika 15:27

Dawuda niŋ wo Lewi lasiloo moolu mennu be Kambeŋ Kunewo ñiŋ samba kaŋ naŋ, aniŋ suukuulaalaalu niŋ ì la ñaatonkoo Kenaniya ye dendika ñiimaa le duŋ. Dawuda ye piriisi duŋ feŋo fanaa duŋ.

Jabuuroolu 149:3

Ali a jayi a too la, ali niŋ doŋo. Ali maakaŋ diimaa ke a ye niŋ tambuuroo la, aniŋ kontiŋo.

Jabuuroolu 150:4

Ali a jayi tambuuroolu niŋ doŋo la, ali a jayi kontiŋ juloolu niŋ ŋaliitoolu la.

Jabuuroolu 30:11

I ye n na kumboo yelemandi n ye doŋo le ti. I ye niikuyaa booto funtoo wura n na le, i ye seewoo dendikoo duŋ n na.

Jabuuroolu 87:7

Ì si i doŋ ka suukuwo laa ko: “Ǹ na neemoo sababoo mu Siyoni le ti.”

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

2 Musa 19:6

alitolu be ke la mansamarali banku senuŋo le ti, mennu ka piriisiyaa* dookuwo ke n ye. I ñanta ñiŋ kumoo le fo la Banisirayilankoolu ye.”

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Esekiyeli 46:10

Mansa niŋ jamaa moolu be duŋ na ñoo la le, ì ye finti ñoo la fanaa.

Luka 15:25

“Wo waatoo la, a dinkee keebaa be nuŋ kunkoo le to. Kabiriŋ a be seyi kaŋ naŋ, a sutiyaata buŋo la, a naata kumafeŋolu niŋ doŋo moyi.

5 Musa 6:5

Wo to ali Yaawe ali la Alla kanu ali sondomoo bee la, ali niyo bee la, aniŋ ali semboo bee la.

Kolosankoolu 3:23

Ali be dookuu-wo-dookuu ke kaŋ, ali a ke ali ŋaniyoo bee la ko ali ka a ke Maariyo le ye, a maŋ ke hadamadiŋolu ti.

Kiitindirilaalu 11:34

Bituŋ Yefuta muruta naŋ a la suwo kono Misipa, aduŋ a dimmusoo le fintita naŋ ka a benduŋ. Tambuuroo be a buloo kono, a be a kosi kaŋ, aniŋ a be i doŋ kaŋ. Ñiŋ sunkutoo dammaa le mu a bulu diŋo ti. A maŋ diŋ koteŋ soto, fo ñiŋ dimmusu kiliŋo.

Kiitindirilaalu 21:21

Ali ye tara koroosiroo la. Niŋ Silo saatee sunkutoolu naata doŋo la dondulaalu to, ali ye finti naŋ wayini yiri kankaŋolu kono. Bituŋ ali bee kiliŋ-kiliŋ naa ye musu kiliŋ taa ali faŋolu ye, ali niŋ a ye taa Benjamini tundoo kaŋ.

1 Samuweli 2:18

Bari Samuweli be dookuwo ke kaŋ ne nuŋ Yaawe ñaatiliŋo la. Kambaanoo ka dendikoo duŋ, meŋ mulunta ko piriisoolu la dendika santonkoo.

1 Samuweli 2:28

Ŋa i bonsuŋo tomboŋ Banisirayila lasiloolu bee kono le ka ke n na piriisoo ti, ka taa n na sadaajanidulaa* to, ka cuuraayoo siisindi, aniŋ ka efodoo* duŋ n ñaatiliŋo la, ka n na lafoo ñini. Beeyaŋ sadaalu mennu, Banisirayilankoolu ka ì jani niŋ dimbaa la, ŋa niyo dii i la moolu la wolu fanaa to le.

1 Samuweli 22:18

Bituŋ mansa ko Doyeki ye ko, “Ite Doyeki, taa i ye taa Yaawe la piriisoolu faa.” Wo to le Doyeki ye ì faa. Wo luŋo a ye kee taŋ seyi niŋ kee luulu le faa, mennu ka piriisoolu la dendikoo duŋ.