2 Samuweli 24:20 - Mandinka Bible

²⁰ Biriŋ Arawuna ye a je, mansa niŋ a la kewolu ka naa a maafaŋo la, a taata, a ñoyita mansa ñaatiliŋo la, a ye a kuŋo jimi duuma.

2 Samuweli 24:20 Mawu Ofanana

1 Musa 18:2

a ye a kuŋo wulindi, a ye kee saba hayinaŋ looriŋ. A borita ka bo a la tiriliisoo daa to ka taa ka ì benduŋ. Bituŋ a ñoyita,

2 Samuweli 1:2

Tili sabanjaŋo luŋo la, kewo doo bota naŋ Sawulu la kelediŋolu la daakaa to. A ye a la dendikoo fara, aduŋ a ye bankumunkoo ke a kuŋo to, ka a la sunoo yitandi. Kabiriŋ a futata Dawuda yaa, a ñoyita a ye.

2 Samuweli 24:19

Wo to le Dawuda taata ka a ke, komeŋ Yaawe ye Kadu yaamari a la ñaameŋ.

2 Samuweli 24:21

Arawuna ko, “Muŋ ne ye a tinna, m maarii mansa, i naata i la dookuulaa yaa?” Dawuda ye a jaabi ko, “Ka i la toñonkari dulaa saŋ, fo n si sadaabodulaa loo Yaawe ye jee, fo alibalaa kuuraŋo meŋ boyita moolu kaŋ si bo.”

2 Samuweli 9:8

Mefiboseti ñoyita kotenke, a ko, “I la dookuulaa mu muŋ ne ti, hani wulu furewo le fisiyaata nte ti, i ka beteyaa yitandi nte meŋ na teŋ.”

Ruti 2:10

Bituŋ Ruti ñoyita bankoo to, a kunjimintoo diyaamuta ka a fo Bowasi ye ko, “Muŋ ne ye a tinna nte ye ñiŋ balafaa soto ite ñaato ka beteyaa m fee teŋ, nte mu luntaŋo ti ñaa-wo-ñaa?”