2 Samuweli 23:4 - Mandinka Bible

⁴ a ka muluŋ ne ko tiloo boo foloo soomandaa, niŋ saŋo maŋ tawali soto luŋo meŋ na, a ka faramansa ñaameŋ, niŋ samaa teyita, meŋ ka ñaamoolu fintindi naŋ bankoo kono.”

2 Samuweli 23:4 Mawu Ofanana

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Jabuuroolu 72:6

Allamaa mansa ke la komeŋ samaajiyo, meŋ ka ke fiifeŋolu kaŋ, komeŋ sanjiyo ka buruntu bankoo kaŋ ñaameŋ.

Jabuuroolu 89:36

A la mansayaa buŋo be tu la le fo fawu, aduŋ a la mansasiiraŋo be tara la keriŋ n ñaa koto le komeŋ tiloo.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Yesaya 18:4

Kaatu Yaawe* ko n ye le ko: “M be tara la tenkundiŋ n sabatidulaa to le, ka koroosiroo ke, ko niŋ tiloo deyiriŋo be mala la, ka tara deyiriŋ, ko niŋ komboo be jii la katiri waatoo.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Yesaya 60:1

Siyoni*, wuli fo i si malamala, kaatu i la maloo naata le, aduŋ Yaawe* la kallankeeyaa* be mala la i kaŋ ne ko tiloo.

Yesaya 60:3

Bankoolu be naa le ka i la maloo je, mansoolu be naa le ka a je, i la fanikewo be faramansariŋ ñaameŋ.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Hoseya 6:5

Wo le ye a tinna ŋa n na annabiyomoolu kii naŋ ali kaŋ, ka kiitiyo niŋ yankankatoo bankee ali ye. N na kiitiyo fintita le ko tiloo.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Yohana 1:7

A naata le ka ke seedoo ti, ka maloo la kuwo seedeyaa fo moolu bee si laa ka bo niŋ ate la.

5 Musa 32:2

Allamaa n na karandiroo ye jii ali kaŋ ko sanjiyo, m fokumoolu ye ke ko komboo, ko samaa jiyo ñaamoolu kaŋ, ko sanji yofuyofoo fiifeŋ mereŋolu kaŋ.

Kiitindirilaalu 5:31

Hee Yaawe, Allamaa i jawoolu bee halaki la teŋ. Bari Allamaa i kanulaalu bee ke la komeŋ tiloo, niŋ a be mala kaŋ semboo la. Bituŋ tenkuŋo naata sabati bankoo kaŋ fo sanji taŋ naani.