2 Samuweli 23:1 - Mandinka Bible

¹ Ñinnu le mu Dawuda la kuma labaŋolu ti: Yese dinkewo Dawuda la kumoo, moo meŋ Alla ye a buuñaa, la kumoo, Yaakuba la Alla ye moo meŋ tomboŋ, Banisirayilankoolu la suukuu diimaa laalaa.

2 Samuweli 23:1 Mawu Ofanana

1 Musa 49:1

Yaakuba ye a dinkewolu kumandi, a ko ì ye ko: Ali bee ye beŋ ñoo kaŋ, ŋa naa kuma fo ali ye, meŋ be ke la ali la siniŋ saama.

2 Samuweli 22:34

I ye n siŋolu ke le ko minaŋo siŋolu. I ye m maakoyi le ka loo dulaa jaŋolu santo.

2 Samuweli 22:51

I ye kañee baa le dii nte i la mansa la. I ye kanu bambaloo le yitandi nte i la tomboŋ moo la. I ye a ke nte Dawuda niŋ n koomalankoolu le ye fo abadaa.

1 Taarika 16:7

Wo luŋo le mu luŋ foloo ti, Dawuda ye Asafu niŋ a mooñoo Lewi lasiloo moolu tomboŋ ka tenturu suukuwo laa Yaawe ye.

1 Taarika 16:9

Ali suukuwo laa a ye ka a jayi, ali a fo, a ye kaawakuwolu mennu ke.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 72:20

Yese dinkewo Dawuda la duwaaraŋo kumfaata jaŋ ne.

Jabuuroolu 89:20

Ŋa n na dookuulaa Dawuda le ke mansa ti, ka a toloo niŋ n na tulu senuŋo* la.

Jabuuroolu 89:21

Wo kamma la m buloo be tara la a koto le, aduŋ n na semboo be a bambandi la le.

Amosi 6:5

Ali ka tara denkililaa kenseŋo la ali la kontiŋ juloolu to, ka ali faŋ na juloo ke ko Dawuda ka a ke ñaameŋ.

Luka 20:42

Kaatu Dawuda faŋo ye a bankee Jabuura Kitaaboo kono le ko: ‘Maariyo ko m Maarii ye le ko, “Sii m bulubaa karoo la,

Luka 24:44

Bituŋ Yeesu ko ì ye ko, “Ñiŋ ne mu kuwo ti, ŋa meŋ fo ali ye, biriŋ m be ali fee nuŋ: Feŋ-wo-feŋ meŋ safeeta n na kuwo to Musa la Luwaa* kono, annabiyomoolu la kitaaboolu, aniŋ Jabuuroolu, wolu bee ñanta timma la le.”

5 Musa 33:1

Musa Alla la moo ye neemoo duwaa Banisirayilankoolu ye, janniŋ a be bele la.

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

Yankuba 5:13

Niŋ moo be ali kono, meŋ be bataariŋ, a maarii si duwaa. Niŋ moo be ali kono meŋ be seewooriŋ, wo maarii si jayiri suukuwolu laa.

1 Samuweli 17:12

Dawuda le keta Yese Efuratankoo* dinkewo ti. Yese bota Betilehemu saatewo le to, meŋ tarata Yahuuda bankoo kaŋ. Yese ye dinkee seyi le soto. Kabiriŋ Sawulu be mansayaa la waatoo meŋ na, wo ye a tara le, Yese kotoota baake.

1 Samuweli 18:7

Kabiriŋ ì be doŋo la, ì ka ñiŋ denkiloo le laa nuŋ: “Sawulu ye moo wuloolu le faa, bari Dawuda, wo ye moo wuli taŋolu le faa.”

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.