2 Samuweli 22:48 - Mandinka Bible

⁴⁸ Ite le mu Alla ti, meŋ ka i joo n jawoolu to. I ka bankoolu ke n na maroo to.

2 Samuweli 22:48 Mawu Ofanana

2 Samuweli 18:19

Saayiŋ Ahimaasi Sadoki dinkewo ko, “M batu ŋa bori, ŋa taa ñiŋ kibaaroo futandi mansa la ko, Yaawe* ye a tankandi a jawoolu ma le.”

2 Samuweli 18:31

Bituŋ Kusinkoo futata, a ko, “M maarii mansa, i lamoyi ñiŋ kibaari diimaa la. Bii Yaawe ye i tankandi moolu ma le, mennu wulita i la kuwo kamma, ka i kele.”

2 Samuweli 4:8

Ì ye Isiboseti kuŋo samba Dawuda ye Heburoni, aduŋ ì ko mansa ye ko, “Sawulu dinkewo Isiboseti kuŋo fele, m̀ maarii, i jawoo meŋ pareeta ka i faa. Bii luŋo Yaawe* ye a ke le, i ye i joo Sawulu niŋ a koomalankoolu to.”

Jabuuroolu 110:1

Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

Jabuuroolu 144:2

Ate le mu m maakoyilaa kendoo ti, aniŋ n na tatoo. A mu n ye tata bambandiŋo le ti, aniŋ n na kiisandirilaa. A mu n ye tankaraŋ koteeroo* le ti, n ka bambu ate le kooma. Ate le ka banku koteŋ moolu noo ka ì ke n na maroo to.

Jabuuroolu 94:1

Hee Yaawe* Alla, ite le mu julujoolaa ti, ite Alla le mu julujoolaa ti. I semboo yitandi baŋ!

1 Korintinkoolu 15:25

Kaatu a ñanta maraloo ke la le fo a ye a jawoolu bee ke a siŋo koto.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

1 Samuweli 24:12

Allamaa Yaawe ye kiitiyo teyi ǹ teema. Allamaa Yaawe ye i joo i to, i ye kuu jawoolu mennu ke n na, bari nte buloo te i maa la.

1 Samuweli 25:30

Yaawe be kuu kendoolu bee ke la i ye le, a ye i laahidi mennu la, aduŋ a be i ke la Banisirayilankoolu la mansa ti.

1 Samuweli 25:39

Kabiriŋ Dawuda ye a moyi ko, Nabali faata le, a ko, “Jayiroo be Yaawe ye, meŋ ye i joo n ye Nabali to, a ye n neŋ meŋ kamma, aduŋ a ye nte a la dookuulaa tanka kuu jawoo kewo la le. Yaawe ye Nabali yankankati a la kuu jawoo le la.” Bituŋ Dawuda ye kiilaalu kii Abikali yaa ka a fo a ye ko, a lafita a futuu la le.