2 Samuweli 22:47 - Mandinka Bible

⁴⁷ Yaawe be baluuriŋ ne! Jayiroo be n na semberaŋ beroo ye, Alla too buuñaariŋo, semberaŋ beroo, n tankandilaa.

2 Samuweli 22:47 Mawu Ofanana

2 Samuweli 22:3

N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti n na kiisandirilaa sembemaa baa. Ate le mu n na tatoo ti, aniŋ n tuukuraŋo, a ka n tankandi fitina moolu ma.

Yuuba 19:25

Bari nte ye a loŋ ne ko, n kiisandirilaa, wo be baluuriŋ ne, aduŋ ate le be loo la n ye kuwo labandulaa ñiŋ duniyaa kono jaŋ.

Jabuuroolu 89:26

A be a fo la n ye le ko: ‘Ite le mu m Faamaa ti, n na Alla aniŋ n na semberaŋ beroo, meŋ ka n kiisa.’

Jabuuroolu 89:27

M be a ke la le ko n dinkee foloo, aduŋ ate le be sikandi la ka tambi duniyaa mansoolu bee la.

2 Musa 15:2

N semboo ka bo Yaawe le bulu, n ka suukuwo laa ate le ye, a keta n tankandirilaa le ti. Ate le mu n na Alla ti, m be a jayi la le, m faamaa la Alla, m be a sikandi la le.

Luka 1:47

n niyo seewoota Alla la kuwo to, n na Kiisandirilaa.