2 Samuweli 22:45 - Mandinka Bible

⁴⁵ aduŋ tumarankewolu naata le ka ñoyi n ye. Niŋ ì ye n na kumoo moyi doroŋ, ì ka n horoma le.

2 Samuweli 22:45 Mawu Ofanana

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 81:15

Mennu ye nte Yaawe koŋ, ì ŋunumatoo le be n waliŋ na, aduŋ ì la jaraboo be tu la le fo fawu.

Yesaya 56:3

Hani luntaŋo meŋ ye a faŋo kafundi Yaawe la moolu ma, a kana a fo ko, “Yaawe te soŋ na, ŋa tara a la moolu kono.” Seenewo kana woosii, ka a fo ko, “Nte mu yiri jaaroo doroŋ ne ti.”

Yesaya 56:6

Luntaŋolu mennu ye ì faŋo kafundi n na moolu ma, ka dookuwo ke n ye, ka n too kanu, ka m batu, aniŋ mennu ka Loobula Luŋo horoma, ì buka a dooyandi, ì ka n na kambeŋo muta bambandinke,

Kiilaalu 8:13

Hani Simoni faŋo laata, aduŋ a batiseeta. Bituŋ a ye Filipi nooma daa-wo-daa jee. A ye taamanseeroolu niŋ kaawakuu baalu je, aduŋ a kaawata.

5 Musa 33:29

Hee Banisirayilankoolu, mantaa benta ali ye ñaameŋ! Ali maŋ ñoŋ soto, Yaawe ye alitolu mennu kiisa. Yaawe mu ali la koteeroo* le ti, ka ali maakoyi, a mu ali la hawusaroo* le ti ka nooroo ke. Ali jawoolu be ì faŋ seyi la ali ma le, bari ali be i tuu la ì koolu kaŋ ne.”