2 Samuweli 22:3 - Mandinka Bible

³ N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti n na kiisandirilaa sembemaa baa. Ate le mu n na tatoo ti, aniŋ n tuukuraŋo, a ka n tankandi fitina moolu ma.

2 Samuweli 22:3 Mawu Ofanana

1 Musa 15:1

Ñiŋ kuwolu bee boriŋo a la le mu, Yaawe* ye a la kumoo lankenemayandi Iburama ma jeroo kono. A ko a ye ko, “Iburama, kana sila, nte le mu i tankandirilaa ti. I la baraajoo be siyaabaa la le.”

2 Samuweli 22:31

Alla la siloo maŋ sootaari soto, Yaawe la kumoo maŋ tana soto. Moolu mennu ka tankoo ñini i bulu, i keta ì la koteeroo le ti.

2 Samuweli 22:47

Yaawe be baluuriŋ ne! Jayiroo be n na semberaŋ beroo ye, Alla too buuñaariŋo, semberaŋ beroo, n tankandilaa.

2 Samuweli 22:49

I ka m bondi n jawoolu bulu, i ye n ke n jawoolu bee ñaato. Fitina moolu la karoo la, i ye n tankandi le.

2 Samuweli 22:51

I ye kañee baa le dii nte i la mansa la. I ye kanu bambaloo le yitandi nte i la tomboŋ moo la. I ye a ke nte Dawuda niŋ n koomalankoolu le ye fo abadaa.

2 Samuweli 23:3

Banisirayilankoolu la Alla diyaamuta, Banisirayila semberaŋ bere baa ko n ye le ko, “Niŋ moo ye moolu mara tiliŋo kono, niŋ a ye maraloo ke Alla ñaasilaŋo kono,

Jabuuroolu 14:6

Alitolu moo jawoolu, ali ka fentaŋolu la hame kuwolu ke ì ye kenseŋo ti, bari Yaawe le mu ì la tankoo ti.

Jabuuroolu 140:1

Hee Yaawe*, m bondi moo jawoolu bulu, n tanka fitina moolu ma.

Jabuuroolu 140:11

Allamaa moo neŋ fatiŋolu kana ñaatotaa soto ñiŋ bankoo kaŋ. Allamaa kuu jawoo ye tu fitina moolu teerindi la, ka ì kasaara.

Jabuuroolu 140:4

Hee Yaawe, n kanta moo kuruŋolu la karoo la. N tanka fitina moolu ma, mennu ka feeroo siti ka m boyindi.

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Jabuuroolu 144:2

Ate le mu m maakoyilaa kendoo ti, aniŋ n na tatoo. A mu n ye tata bambandiŋo le ti, aniŋ n na kiisandirilaa. A mu n ye tankaraŋ koteeroo* le ti, n ka bambu ate le kooma. Ate le ka banku koteŋ moolu noo ka ì ke n na maroo to.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 3:3

Bari ite Yaawe mu n ye tankaraŋ koteeroo* le ti, ite le mu n na horomoo sababoo ti, aniŋ meŋ ka n kuŋo bo jirandiŋ.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 46:2

Ǹ te sila la hani niŋ bankoo jarajarata, konkoolu ye boyi baa baa kono,

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 5:12

Kaatu Yaawe, i ka moo tilindiŋolu barakandi le, i ka ì muuri i la neemoo la, ka ke ì ye tankoo ti.

Jabuuroolu 55:9

Hee Maariyo, n jawoolu piwundi, i ye ì fokumoolu duŋ ñoo to. N ka fitinoo le je saatewo kono, aniŋ tilimbaliyaa.

Jabuuroolu 59:16

Bari nte de, m be suukuwo laa la le ka i semboo la waroo fo. Soomandaa-wo-soomandaa m be i la kanu bambaloo suukuu la santo le, kaatu n na mantoora waatoo kono, i keta n ye tatoo le ti, aniŋ tankadulaa.

Jabuuroolu 61:3

Bayiri ite le mu n tankandilaa ti, i mu n ye tata bambandiŋo le ti n jawoolu ñaato.

Jabuuroolu 71:7

N na baluwo keta moo jamaa le ye kawandoo ti, kaatu ite le mu n na tuukuraŋ bambandiŋo ti.

Jabuuroolu 72:14

A ka ì bondi mantooroo niŋ fitinoo kono le, kaatu ka ì yeloo boŋ, wo mu a ñaa tanoo le ti.

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Jabuuroolu 84:9

Hee Alla, ǹ na mansa juubee, i ye kaayaa a ye, i ye mansa meŋ tomboŋ.

Jabuuroolu 86:14

Hee Alla, faŋ wara moolu le wulita nte kamma. Fitina moolu la kafoo le lafita ka n niyo taa, wolu mennu daa te ite la kuu to.

Jabuuroolu 9:10

Moolu mennu ye ite loŋ famfaŋ, wolu be ì jikoo loo la i kaŋ ne. Yaawe, ite buka i koo dii moolu la mennu ka i ñini.

Jabuuroolu 9:9

Yaawe le mu moo toorariŋolu tuukuraŋo ti, a mu ì ye tankadulaa le ti mantooroo waatoo la.

2 Musa 15:2

N semboo ka bo Yaawe le bulu, n ka suukuwo laa ate le ye, a keta n tankandirilaa le ti. Ate le mu n na Alla ti, m be a jayi la le, m faamaa la Alla, m be a sikandi la le.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Kuma Kotoomaalu 30:5

Alla la kumoo bee mu tooñaa le ti, a mu koteeroo* le ti moolu ye, mennu ka tankoo ñini a bulu.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 16:9

Nte Yaawe Alihawaa Maariyo*, Banisirayila la Alla ye ñiŋ ne fo ko: Ali ñaalu be a je la ali baluu tiloolu la le, ŋa maadiyaa niŋ seewoo kumakaŋolu daŋ ñiŋ dulaa to jaŋ, ka taa maañoo niŋ a keemaa la maañoobiti maakaŋo.

Luka 1:47

n niyo seewoota Alla la kuwo to, n na Kiisandirilaa.

Luka 1:69

A ye Kiisandirilaa sembemaa baa le dii ǹ na, ka bo a la dookuulaa Dawuda la lasiloo kono,

Luka 1:71

A be ǹ tankandi la ǹ jawoolu ma le, moolu buloo ma, mennu ye ǹ koŋ.

5 Musa 32:37

Bituŋ a si a fo ko: Ali la alloolu be mintoo le, ali ye mennu muta ali la semberaŋ beroo ti?

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

5 Musa 33:29

Hee Banisirayilankoolu, mantaa benta ali ye ñaameŋ! Ali maŋ ñoŋ soto, Yaawe ye alitolu mennu kiisa. Yaawe mu ali la koteeroo* le ti, ka ali maakoyi, a mu ali la hawusaroo* le ti ka nooroo ke. Ali jawoolu be ì faŋ seyi la ali ma le, bari ali be i tuu la ì koolu kaŋ ne.”

Titus 3:4

Bari kabiriŋ Alla, ǹ na Kiisandirilaa, la beteyaa aniŋ a la kanoo naata yitandi,

Titus 3:6

a ye meŋ jindi ntolu kaŋ siyaarinke ka bo niŋ Yeesu Kiristu* la, ǹ na Kiisandirilaa.

Hiburunkoolu 2:13

Aduŋ a ko fanaa ko: “M be n jikoo sembe la a la le.” Aduŋ fanaa a ko: “M fele, n niŋ diŋolu Alla ye mennu dii n na.”

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.

1 Samuweli 2:2

Senuŋ Baa te jee Yaawe koolaa, kiliŋ te jee meŋ be ko ite. Semberaŋ beroo te jee, meŋ be ko ǹ na Alla.