2 Samuweli 22:22 - Mandinka Bible

²² Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

2 Samuweli 22:22 Mawu Ofanana

1 Musa 18:19

Nte Yaawe le ye a tomboŋ, fo a si a diŋolu niŋ a koomalankoolu yaamari, ka tara n na siloo kaŋ, aniŋ ka tiliŋo niŋ tooñaa taamandi. Niŋ ì ye a ke, ŋa a laahidi meŋ na, m be a bee le ke la.”

1 Mansoolu 9:4

Ite la karoo la, niŋ i taamata n ñaa koto sondome seneyaa niŋ tiliŋo la, komeŋ i faamaa Dawuda ye a ke nuŋ ñaameŋ, aduŋ i ye kuwo bee ke ŋa meŋ yaamari, aniŋ i ye n na kaŋolu niŋ n na luwaalu muta,

Jabuuroolu 119:1

Barakoo be moolu le ye, mennu taaraŋ siloo maŋ sootaaroo soto, mennu ye ì la baluwo loo Yaawe* la yaamaroo kaŋ.

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Jabuuroolu 128:1

Barakoo be moo le ye, meŋ silata Yaawe* la, meŋ ka taama a la siloo la.

Jabuuroolu 18:1

Hee Yaawe*, i la kuwo be n jusukuŋo le to, ite meŋ mu n semboo ti.

Jabuuroolu 36:3

A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

Kuma Kotoomaalu 8:32

“Wo to saayiŋ, n diŋolu, ali i lamoyi n na, seewoo be moolu le ye, mennu bulata n na siloolu nooma.

Sefaniya 1:6

Moo-wo-moo ye a koo dii nte Yaawe la, m be a kasaara la le, aniŋ mennu buka ì daa ke n na kuu to, sako ka n na yaamaroo ñini.”

4 Musa 16:15

Musa kamfaata baake, bituŋ a ko Yaawe ye ko, “Kana ì la sadaa* muta! M maŋ hani faloo le taa moo bulu ì kono, aduŋ n nene maŋ moo toora ì kono.”

Yohana 15:10

Niŋ ali ye n na yaamaroolu muta, ali be tu la n na kanoo kono le, ko nte fanaa ye m Faamaa la yaamaroolu muta ñaameŋ, n tuta a la kanoo kono.

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

1 Samuweli 12:3

M fele looriŋ! Niŋ a ye a tara, ŋa kuu jawu le ke, ali a fo Yaawe* niŋ a ye mansa meŋ tomboŋ ñaa la. Ŋa jumaa le la ninsoo taa waraŋ a la faloo? Ŋa jumaa le tapaleeyaa waraŋ ka a batandi? Kabiriŋ m be kiitindiroo la, ŋa dukoo muta jumaa le bulu? Ñiŋ kuwolu kono, niŋ ŋa meŋ-wo-meŋ ke, ali a koyindi m ma, m be a joo la le.”