2 Samuweli 22:20 - Mandinka Bible

²⁰ A ye m fintindi kene fanuñaa to, a ye n tankandi, kaatu n na kuwo ye a seewoo le.

2 Samuweli 22:20 Mawu Ofanana

1 Musa 26:22

A bota jee, a taata. A ye koloŋ doo siŋ, ì maŋ sonka wo kunna. Bituŋ a ye wo to toolaa Rehoboti la. A kumata ko, “Saayiŋ Yaawe ye kenoo fanundi ǹ ye le. M̀ be jiidi la ñiŋ bankoo kaŋ ne.”

2 Samuweli 15:26

Bari niŋ a ko, a maŋ kontaani kuu je n na kuwo to, m fele jaŋ, a si kuu-wo-kuu ke n na, meŋ benta a fee.”

2 Samuweli 22:37

M be siloo meŋ kaŋ, i ye a fanundi n ye fo n siŋo kana taki.

1 Taarika 4:10

Yabesi naata Banisirayila la Alla daani ko, “M Maarii, i la neemoo niŋ barakoo dii n na, i ye n na bankoo kenoo fanundi. I ye tara m fee, i ye n tanka bataa ma meŋ si n toora.” Bituŋ a ye meŋ daani, Alla naata a ke a ye.

Jabuuroolu 118:5

Biriŋ m be deteriŋ, ŋa Yaawe kumandi le, a ye n jaabi, aduŋ a ye m firiŋ.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 22:8

“A ye a faŋ karafa Yaawe* le ma, batu a ye a kiisa. Batu a ye a tankandi, bayiri a la kuwo ye a kontaani le.”

Jabuuroolu 31:8

aduŋ i maŋ n duŋ n jawoolu bulu, bari i ye n londi dulaa fanuriŋo le to.

Jabuuroolu 31:9

Yaawe, balafaa n ye, kaatu m be mantooroo le kono, niikuyaa ye a tinna le, fo n ñaalu korita, n niyo niŋ n jaatoo fanaa teŋ.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Hoseya 4:16

Tooñaa, Banisirayila kuŋo be jaariŋ ne, ko fali balannaa. Silaŋ n si a kanta noo kene fanuŋo to ñaadii le ko saajiiriŋo?

Matiyu 17:5

A be diyaamu kaŋ doroŋ, minaayi koyiriŋo fer ye ì muuri. Kumakaŋo naata bo wo minaayoo kono ko, “Ñiŋ ne mu n Kanu Dinkewo ti, n jusoo laata meŋ na kuwo la baake. Ali i lamoyi a la.”

Matiyu 27:43

A jikita Alla le la. Wo to niŋ Alla lafita, a si a kanandi, kaatu a faŋo ye a fo le ko, ate mu Alla Dinkewo le ti!”

Matiyu 3:17

Bituŋ kumakaŋo naata bo saŋo santo ko, “Ñiŋ ne mu n Kanu Dinkewo ti, n jusoo laata meŋ na kuwo la baake.”