2 Samuweli 20:16 - Mandinka Bible

¹⁶ Musu ñaamendiŋo le ye kumandiroo ke ka bo naŋ saatewo kono. A ko, “Ali i lamoyi! Ali i lamoyi! Ali a fo Yowabu ye naa jaŋ, fo n si diyaamu a ye.”

2 Samuweli 20:16 Mawu Ofanana

2 Samuweli 14:2

Wo to le, Yowabu ye moo kii Tekowa, ka musu ñaamendiŋo doo samba naŋ ka bo jee. A ko a ye ko, “I faŋ ke ko meŋ ye saŋo soto. I paree ko saŋatiyo, aduŋ i kana seerandi feŋ maa. I faŋ ke ko musoo, meŋ tarata saŋakumboo la fo tili jamaa furewo la kuwo kamma.

2 Samuweli 20:17

A taata a maafaŋo la. Musoo ye a ñininkaa ko, “Fo ite le mu Yowabu ti baŋ?” A ye a jaabi ko, “Haa, nte le mu.” A ko, “I lamoyi, i la dookuulaa be meŋ fo la.” A ko a ye ko, “M be n lamoyi kaŋ ne.”

2 Samuweli 20:22

Wo to le musoo taata moolu bee yaa, a niŋ a la yaamari kendoo, aduŋ i ye Bikiri dinkewo Seba kuŋo kuntu, ì ye a fayi Yowabu kaŋ. Bituŋ a ye saakotoŋ binoo fee, aduŋ a la kewolu janjanta ka bo saatewo to, ì bee seyita ì la suwolu kono. Bituŋ Yowabu muruta mansa yaa Yerusalaamu.

Daniyeli 2:14

Mansa kantalaa kelediŋolu la kuntiyo, Ariyoki pareeta le ka taa Babiloni moo ñaamendiŋolu bee faa. Bari Daniyeli diyaamuta a ye feeroo niŋ ñaameŋo le la.

1 Samuweli 25:3

A too mu Nabali le ti, aduŋ ate mu Kalebu koomalankoo le ti. A jusoo jawuyaata baake le, aduŋ a buloo jaata a la naafuloo kaŋ ne. A la musoo too mu Abikali le ti, musu ñiimaa le mu, aduŋ moo hakilimaa le fanaa mu.