2 Samuweli 2:9 - Mandinka Bible

⁹ Abuna ye Isiboseti ke Kileyadi tundoo la mansa ti jee le, Yesireeli tundoo, Aseri, Efurayimu aniŋ Benjamini lasiloo moolu ka taa Banisirayila muumee bee.

2 Samuweli 2:9 Mawu Ofanana

1 Musa 30:13

Bituŋ Leya kumata ko, “Kontaanoo meŋ be n daala. Musoolu be n kumandi la kontaanoo le la.” Bituŋ a naata a toolaa Aseri la.

2 Samuweli 2:10

Isiboseti Sawulu dinkewo be nuŋ sanji taŋ naani le, kabiriŋ a keta Banisirayilankoolu la mansa ti, aduŋ a ye maraloo ke le fo sanji fula. Yahuuda lasiloo moolu, wolu ye Dawuda le nooma.

2 Samuweli 3:6

Waatoo meŋ na keloo be Sawulu la moolu niŋ Dawuda la moolu teema, Abuna tarata a faŋ bambandi la Sawulu la moolu le la karoo la.

1 Taarika 12:29

Benjamini lasiloo to Sawulu faŋo baadiŋolu mu kelediŋ wuli saba le ti, mennu jamaa baa tuta foroyaariŋ Sawulu ma fo ñiŋ waatoo.

1 Taarika 12:30

Efurayimu* lasiloo kelediŋolu mu kelediŋ wuli muwaŋ, kelediŋ keme seyi le ti, mennu fatiyaata, aduŋ ì too bota le ì lasiloo kono.

Jabuuroolu 108:8

Kileyadi tundoo mu n taa le ti, Manase fanaa mu n taa le ti, N na kelejawaroolu be bo la Efurayimu* le kono, n na mansoolu ye bo Yahuuda kono.

4 Musa 1:40

Ka bo Aseri koomalankoolu kono, kewolu bee le toolu safeeta kiliŋ-kiliŋ, ko ì la kaabiiloolu niŋ ì la dimbaayaalu safeeñaa be laariŋ ñaameŋ, moo-wo-moo niŋ a si keloo noo, a siyo be ka bo sanji muwaŋ ka taa wo ye santo la.

Yosuwa 16:5

Ñiŋ ne mu Efurayimu lasiloo moolu la keetaafeŋo ti, ka bo kaabiila ka taa kaabiila: Ì la tundoo naanewo taata le ka bo Ataroti-Adari, tilibo karoo la, ka taa fo Beti-Horoni-Santo to la.

Yosuwa 16:8

Ka bo Tapuwa la, naanewo ñiŋ taata le ka naa fo Kana Wulumbaŋo to, tilijii karoo la, ka taa fo Baa Baa bala. A danta wo le to. Ñiŋ ne mu Efurayimu lasili moolu la keetaafeŋo ti, ka bo kaabiila ka taa kaabiila,

Yosuwa 16:9

saatee baalu niŋ saateeriŋolu bee, ì ye mennu jenkendi ì ye kara la, ka bo Manase lasili moolu la kewo to.

Yosuwa 17:1

Ñiŋ ne mu bankoo ti, meŋ sotota alikuuroo* la Manase lasiloo moolu ye, kaatu ì bota Yusufa dinkee foloo le bala. Makiri koomalankoolu, wolu le ye Kileyadi tundoo taa nuŋ fokabaŋ, aniŋ Basani tundoo, kaatu itolu le mu kelejawaroolu ti. Makiri le mu Manase dinkee foloo ti, aniŋ Kileyadi faamaa.

Yosuwa 18:11

Alikuuroo keta Benjamini lasiloo moolu le foloo teema, ka bo kaabiila ka taa kaabiila. Itolu la tundoo tarata Yahuuda lasiloo niŋ Yusufa lasiloo la tundoolu le teema.

Yosuwa 18:20

Yoridani Boloŋo le mu a tilibo kara maafaŋo naanewo ti. Ñinnu le mu naanewolu ti, mennu ye Benjamini kaabiila moolu la keetaafeŋo yitandi karoo bee la.

Yosuwa 19:18

Ñiŋ saatewolu le tarata ì niyo kono: Yesireeli, Kesulloti, Sunemu,

Yosuwa 22:9

Bituŋ Rubeni lasiloo moolu, Kadu lasiloo moolu aniŋ Manase lasili talanteemoo ye Banisirayilankoolu bula Silo saatewo to Kanaani bankoo kaŋ, ka seyi Kileyadi, ì faŋo la tundoo kaŋ, ì ye meŋ soto Yaawe la yaamaroo kaŋ ka bo niŋ Musa la.

Kiitindirilaalu 1:32

Wo le ye a tinna Aseri lasili moolu niŋ Kanaaninkoolu, mennu be wo bankoo kaŋ, be sabatiriŋ ñoo kaŋ.

1 Samuweli 29:1

Filisitinkoolu ye ì la kelediŋ kafoolu bee bendi Afeki le, aduŋ Banisirayilankoolu, wolu daakaata Yesireeli woyoo le daala.