2 Samuweli 2:26 - Mandinka Bible

²⁶ Abuna ye Yowabu kumandi. A ko, “Fo m̀ be tu la keloo le la baŋ, ka ñoo faa, fo duniyaa ye kiri? Fo i maŋ a loŋ ko, a labaŋo be ke la niikuyaa le ti? Muŋ tuma le i be a fo la, i la kewolu ye i foño ì baadiŋolu bayindoo la?”

2 Samuweli 2:26 Mawu Ofanana

2 Samuweli 11:25

Dawuda ko kiilaa ye ko, “A fo Yowabu ye ko, ñiŋ kuwo kana a niyo toorandi, kaatu moo buka a loŋ, meŋ be faa la keloo kono. A fo a ye ko, a ye i paree kuuke saatewo kamma, fo a si jee muta. I si ñiŋ fo, ka Yowabu so jusoo la.”

2 Samuweli 2:14

Abuna ko Yowabu ye ko, “M batu, ñiŋ fondinkewolu ye naa ǹ ñaatiliŋo la, ì ye naa ñooseeyaa keloo ke.” Yowabu ko, “Ì ye naa ñaato.”

2 Samuweli 2:16

Kee-wo-kee ye a mooñoo muta a kuŋo le to, ì ye ì la hawusaroo* muta ì bulu doo kono, ì ye ñoo soo a la ì karakuloolu teema, bituŋ itolu bee le faata ñoo la. Wo dulaa meŋ be Kibeyoni, ì ka a kumandi Hawusari Wuloo le la.

2 Samuweli 2:25

Bituŋ Benjamini kewolu bee benta kotenke ka Abuna muru, aduŋ ì ye raŋolu ke konkoo santo.

2 Samuweli 2:27

Yowabu ye a jaabi ko, “A be koyiriŋ ñaameŋ ko Alla be baluuriŋ ne, niŋ i maŋ diyaamu nuŋ, kewolu be tenteŋ na le, ka ali bayindi fo soomandaa.”

Yuuba 18:2

Ite be tara la kuma ñinoo la fo waati jumaa le la? Miiroo soto, ǹ si naa diyaamu noo.

Yuuba 19:2

Alitolu be i dahaa la nte niyo toorandoo la waati jumaa le la, aniŋ ka tara n dimindi la kumakaŋolu la?

Jabuuroolu 4:2

Janniŋ muŋ tuma le mu, alitolu moolu be tu la nte la horoma kuwo ke la n ye maloo ti, ka filibanteeyaa kanu, aniŋ ka bula faniyaa nooma? S

Kuma Kotoomaalu 17:14

Sonka wulindoo ka munta le ko, niŋ ì ye balaŋo sapoo bo, wo to kuwo daa faa, janniŋ sonkoo ka wuli.

Yesaya 1:20

Bari niŋ ali maŋ soŋ, ali tuta balandiŋ, hawusaroo* le be ali faa la. Nte Yaawe faŋo le ye a fo.”

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 4:21

Fo m be tu la kele bandeeroo le je la baŋ, ka tu binoo feekaŋo moyi la?

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Hoseya 11:6

Hawusaroo* si ŋalasi ì la saatewolu to, a ye dundaŋ daa nee bantambiloolu tiñaa, moolu si faa ì la feere jawoolu kamma la.

Kiilaalu 7:26

“Wo saamoo Musa naata Banisirayilankoolu kaŋ, mennu be sonkoo la. A lafita ka ì fata ka ì ke kiliŋ ti. A ko ì ye ko, ‘Kewolu, alitolu mu baadiŋ kiliŋ ne ti. Muŋ ne ye a tinna ali ka ñoo tilimbaliyaa?’