2 Samuweli 19:7 - Mandinka Bible

⁷ Saayiŋ, finti banta, i ye i la kewolu jusoo ñabu. Ŋa n kali Yaawe* la ko, niŋ i maŋ finti, hani kee kiliŋ ne te tu la i fee, janniŋ fanoo be ke la. Ñiŋ ne be jawuyaa la i fee, ka tambi mantooroolu bee la, i ye mennu taki, kabiriŋ i fondinkewo fo ka naa bula saayiŋ na.”

2 Samuweli 19:7 Mawu Ofanana

1 Musa 34:3

A hakiloo bee tarata Dina kaŋ, Yaakuba dimmusoo. A ye sunkutoo ñiŋ kanu le, bituŋ a naata kuma diimaalu fo a ye.

2 Samuweli 19:6

Mennu ye i koŋ, i ye wolu le kanu, aduŋ mennu ye i kanu, ite ye wolu le koŋ. Bii i ye a koyindi le ko, kelediŋ ñaatonkoolu niŋ ì la kewolu maŋ ke ite ye feŋ ti. Ŋa a je le ko, bii ite be seewoo la le, niŋ Abusalomu baluuta nuŋ, ntolu bee ye faa.

Kuma Kotoomaalu 14:28

Niŋ moo siyaata mansa nooma, wo le ka a so semboo la, bari niŋ mansa maŋ moo soto, a si kasaara noo le.

Kuma Kotoomaalu 19:15

Naafoo ka moo siinondi le, aduŋ moo meŋ buka finti, ka taa ñinindiroo la, a ka konko le.

Yesaya 40:1

Ali la Alla ko: “Ali n na moolu sabarindi, ali ye ì jusoo ñabu.

Hoseya 2:14

“Bari m be a saba la naŋ ne, ŋa a samba keñewuloo kono, ŋa kuma diimaa fo a ye.