2 Samuweli 19:43 - Mandinka Bible

⁴³ Bituŋ Banisirayila kewolu fanaa ye Yahuuda kewolu jaabi ko, “Ntolu siyaata ali ti mansa yaa le ko siiñaa taŋ. Saayiŋ, muŋ ne ye a tinna, ali jututa ǹ na? Fo ntolu le foloo maŋ a fo ko, m̀ be ǹ na mansa murundi la le?” Bari Yahuuda kewolu le la jaabiroo saŋarata ka tambi Banisirayila kewolu la.

2 Samuweli 19:43 Mawu Ofanana

2 Samuweli 19:14

Dawuda la kumoolu diyaata Yahuuda moolu ye le, bituŋ ì bee keta kiliŋ ti. Ì ye kumoo kii mansa ye ko, “I niŋ i la kewolu bee ye muruŋ naŋ.”

2 Samuweli 19:9

Banisirayila kaabiiloolu bee kono, moolu bee be ñoo soosoo kaŋ ne, ka a fo ko, “Mansa Dawuda ye ǹ tankandi ǹ jawoolu buloo kono le, ate le ye ǹ kanandi Filisitinkoolu buloo kono. Bari saayiŋ, Abusalomu la kuwo ye a tinna le, a borita bankoo la.

2 Samuweli 20:1

Saayiŋ, seetaani moo doo le tarata nuŋ jee, ì ka a fo meŋ ye Seba. Benjamini lasili moo le mu, aduŋ a keta Bikiri dinkewo le ti. A ye saakotoŋ binoo* fee, a wuurita ko, “M̀ maŋ talaari soto Dawuda la karoo la, hani feŋ, m̀ maŋ wo le soto Yese dinkewo la karoo la. Banisirayilankoolu, ali bee ye seyi ali la suwolu kono.”

2 Samuweli 20:6

Dawuda ko Abisayi ye ko, “Saayiŋ Seba Bikiri dinkewo be kuu jawu tambiriŋo le ke la ǹ na, ka tambi Abusalomu ye meŋ ke. I la keebaa la kewolu taa, i ye a bayindi, niŋ wo nte a be duŋ na saatee tatariŋolu kono le, a ye kana m̀ ma.”

2 Samuweli 5:1

Banisirayila lasiloolu bee naata Dawuda yaa Heburoni, aduŋ ì ko a ye ko, “Ntolu mu i fansuŋ moolu le ti.

1 Mansoolu 12:16

Kabiriŋ Banisirayila bee ye a je ko, mansa balanta le ka i lamoyi ì la, ì ye mansa jaabi ko: “Ŋà muŋ ne soto Dawuda la karoo la? Ntolu maŋ nii soto Yese dinkewo la kara la. Ali ali la buŋolu waliŋ, Banisirayilankoolu! Dawuda dinkewo si a faŋo la moolu mara!” Bituŋ Banisirayilankoolu seyita suwo kono.

Kuma Kotoomaalu 13:10

Faŋ waroo ka sonkoo doroŋ ne saabu, bari ñaameŋo ka tara moolu le kono, mennu ka soŋ yaamaroo la.

Kuma Kotoomaalu 15:1

Jaabiri diimaa ka kamfaa bayi le, bari kuma kuumaa ka kamfandiroo le ke.

Kuma Kotoomaalu 17:14

Sonka wulindoo ka munta le ko, niŋ ì ye balaŋo sapoo bo, wo to kuwo daa faa, janniŋ sonkoo ka wuli.

Kuma Kotoomaalu 18:19

Niŋ i ye kuu dimindiŋo ke i baadiŋo la, a ka munta le ko, tatoo le be ali teema, sonkoo ka talaañaa jawu le naati moolu teema.

Roomankoolu 12:21

Kana soŋ, kuu jawoo ye i noo, bari i si kuu jawoo noo kuu betoo la.

Kalatiyankoolu 5:15

Bari niŋ ali ka ñoo kiŋ ka ñoo suboo domo, ali ali hakiloo tu ali kana ñoo kasaara.

Kalatiyankoolu 5:20

jalambatoo, batuutaayaa, konnanteeyaa, sonkoo, kiiliyaa, kamfaa, hadumoo, talaaroo,

Kalatiyankoolu 5:26

Ali ŋà fata faŋ waroo la. Ǹ kana ñoo kamfandi, sako ǹ si ñoo kiiliyaa.

Filipinkoolu 2:3

Ali kana feŋ ke ali fansuŋ nafaa kamma, waraŋ ka horomoo ñini ali faŋo ye, bari ali baadiŋ Yeesu noomalankoolu muta fammajiyo niŋ horomoo kono ka tambi ali faŋolu la.

Yankuba 1:20

kaatu hadamadiŋo la kamfaa buka kuu saabu, meŋ tilinta Alla ñaatiliŋo la.

Kiitindirilaalu 8:1

Bituŋ Efurayimu* lasiloo kewolu ko Kideyoni ye ko, “Muŋ ne ye a tinna ite ye ñiŋ ke ntolu la? I maŋ soŋ na ǹ kumandi la, kabiriŋ i be taa Midiyaninkoolu maa la keloo la.” Ì ye a jalayi kendeke.

Kiitindirilaalu 9:23

Wo waatoo le mu, Alla naata seetaani kuu jawoo duŋ Abimeleki niŋ Sekemunkoolu teema, ì naata muriti Abimeleki ma.