2 Samuweli 17:16 - Mandinka Bible

¹⁶ Saayiŋ kiilaa kii tariyaake, ka a fo Dawuda ye ko, a kana suutoo laa Yoridani Boloŋo daala keñewuloo* kono, a ye kuntu kara doo la, a ye kana, waraŋ mansa niŋ moolu bee, mennu be a nooma, ye kasaara.”

2 Samuweli 17:16 Mawu Ofanana

2 Samuweli 15:14

Bituŋ Dawuda naata a fo a la ñaatonkoolu ye, mennu be a fee Yerusalaamu ko, “Ǹ ñanta bori la le, niŋ ǹ ko, ŋà kana Abusalomu ma! Ali i bambaŋ, sambii a be naa ǹ kele la, ka kasaaroo samba ǹ kaŋ naŋ, ka saatee moolu bee faa hawusaroo* la!”

2 Samuweli 15:28

M be tara la Yoridani teyidulaalu to jaŋ ne foloo keñewuloo kono, fo janniŋ m be kibaaroo soto la i bulu.”

2 Samuweli 15:35

Sadoki piriisoo be tara la jee le, aniŋ Abiyata. A fo ì ye, i ye kuwo meŋ bee moyi mansa la dulaa to.

Jabuuroolu 35:25

Kana soŋ ì ye a fo ì faŋ ma ko, “A fele, ŋà n jusulaa kuwo soto a la le.” Ì ye a fo ko, “Ŋà n kutu a la le kendeke.”

Jabuuroolu 55:8

M be n tariyaa la le ka taradulaa ñini, ka bo foño saŋaroo niŋ turubaadoo kono.”

Jabuuroolu 56:2

N jawoolu ka m boyinkaŋ ne waati-wo-waati. Moo jamaa le ka n kele ì la faŋ waroo kaŋ.

Jabuuroolu 57:3

A be n jaabi la le ka tankoo jindi n ye naŋ. A be moolu malundi la le mennu ka mantooroo laa n kaŋ. S Alla be a la kanu bambaloo niŋ tiliŋo yitandi la n na le.

1 Korintinkoolu 15:54

Niŋ toliriŋo ye tolibaloo duŋ, aduŋ meŋ taa mu saayaa ti, wo ye saayaabaloo duŋ, wo to kumoo naata timma le, meŋ be safeeriŋ ko: “Saayaa muumewo bee le tiñaata, nooroo timmata le!”

2 Korintinkoolu 5:4

Baawo kabiriŋ m̀ be ñiŋ tiriliisoo kono, ǹ ka ŋuntaŋ ǹ na niitooroo kono le. M̀ maŋ lafi, ŋà ke bala kenseŋo ti, bari ǹ lafita ka feetoofata ǹ na Arijana taradulaa la. Bituŋ balajaatoo meŋ ka faa, baluwo si wo kunuŋ.

1 Samuweli 20:38

Bituŋ a ko, “Kana tu looriŋ jee! I tariyaa!” Kambaanoo ye beñoolu tomboŋ, a muruta a la keebaa yaa.