2 Samuweli 16:12 - Mandinka Bible

¹² A si ke noo le, Yaawe ye n na niitooroo je, a ye naa n joo kuu kendoo la, kaatu bii ŋa dankari jawu baalu le soto.”

2 Samuweli 16:12 Mawu Ofanana

2 Samuweli 16:13

Wo to le Dawuda niŋ a la kewolu tententa ì la siloo la, wo ye a tara, Simeyi ka taa konkoo maafaŋo le la, a ye a ñaa tiliŋ Dawuda la, a be a danka la, biriŋ a be taa, aduŋ a ka a buŋ beroolu la, a be noo fayi la a kaŋ.

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.

Jabuuroolu 109:28

Ì ye n danka ñaa-wo-ñaa, ite si neema m ma. Niŋ ì ye m boyinkaŋ, ì si bula maloo kono, aduŋ nte, i la dookuulaa, si seewoo.

Jabuuroolu 132:1

Yaawe*, i hakiloo ye bula Dawuda la, aniŋ a ye bataa kuwolu mennu bee muña.

Jabuuroolu 25:18

I miira n na mantooroo niŋ n na ŋayiboo la, i ye yamfa n na junuboolu bee la.

Kuma Kotoomaalu 25:22

Niŋ i ka ñiŋ ke, a be muluŋ na le ko, niŋ i ye dimbaa keñemboo le juruma a kuŋo kaŋ, aduŋ Yaawe* be i joo la le.

Kuma Kotoomaalu 26:2

Komeŋ jaataliŋo buka sabati ñaameŋ, waraŋ naanaa ka yaayoo santo ñaameŋ, dankoo te moo muta noo la wo le ñaama, meŋ maŋ danka kuwo ke.

Yesaya 27:7

Fo Yaawe ye Banisirayilankoolu busa le baŋ, ko a ye moolu busa ñaameŋ, mennu ye ì busa? Fo Yaawe ye ì faa le baŋ, ko a ye ì faalaalu faa ñaameŋ?

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Roomankoolu 8:28

Ŋà a loŋ ne ko, Alla ka kuwolu bee beteyandi moolu le ye, mennu ye a kanu, aniŋ a ye mennu kumandi a la natoo kamma.

2 Korintinkoolu 4:17

Ñiŋ toorandiŋo meŋ be ke la fo waatindiŋ, wo be m̀ parendi la le ka ǹ naati badaa-badaa kallankeeyaa kono, meŋ maŋ ñoŋo soto.

5 Musa 23:5

Bari Yaawe ali la Alla maŋ naa i lamoyi Balaamu la. A ye a la dankaroo yelemandi ka a ke ali ye neemoo ti kaatu a ye ali kanu le.

5 Musa 23:6

Ali baluu tiloo bee kono, ali nene kana ì la kayira kuu kidimandi waraŋ ì la ñaatotaa.

2 Tesalonikankoolu 1:7

Alla be dahaa dii la alitolu le la, mennu toorandita, aduŋ a be dahaa dii la m̀ fanaa la le. Ñiŋ ne be ke la, niŋ Maarii Yeesu fintita naŋ ka bo saŋo santo, a niŋ a la malaayika sembemaalu.

Hiburunkoolu 12:10

Wolu ka ǹ kuluu le, fo waatindiŋ, ko a beteyaata ì fee ñaameŋ. Bari Alla ka ǹ kuluu m̀ faŋolu la nafaa le kamma, fo ǹ si ǹ niyo soto a la seneyaa kono.

1 Samuweli 1:11

A ye laahidoo taa ko, “Yaawe Alihawaa Maariyo, niŋ i ye i la jondiŋo la bataa kuwo juubee, aduŋ i hakiloo bulata n na, i kana ñina n na, i si dinkewo dii n na, bituŋ m be a dii la ite Yaawe le la, ka dookuwo ke i ye a la baluwo bee kono. Liirilaŋo nene te maa la a kuŋo la, ka a yitandi ko, a be ite le la maroo to.”