2 Samuweli 15:16 - Mandinka Bible

¹⁶ Wo le to mansa wulita, a la dimbaayaalu ye a nooma, aniŋ a la mansakundaa dookuulaalu. Kaŋ foroyandi musu* taŋ, a ye wolu le tu jee, ka buŋo kanta.

2 Samuweli 15:16 Mawu Ofanana

2 Samuweli 12:11

Yaawe ye ñiŋ ne fo ko: I fansuŋ moolu kono, m be mantoora baa le samba la naŋ i kaŋ. I faŋo ñaalu koto m be i la musoolu taa la le, ŋa ì dii moo la, meŋ sutiyaata i la, aduŋ a niŋ ì be i laa la le tili kuntee baa.

2 Samuweli 12:2

Fankamaa ye saajii jamaa aniŋ ninsi jamaa le soto,

2 Samuweli 15:15

Bituŋ a la ñiŋ ñaatonkoolu ko a ye ko, “Ntolu, i la joŋolu, m̀ be pareeriŋ ne doroŋ, ka bula yaamaroo nooma, i ye meŋ dii.”

2 Samuweli 15:17

Kabiriŋ mansa niŋ a la kewolu be finti kaŋ, ì loota saatewo buŋ labaŋo le to.

2 Samuweli 19:10

Aduŋ Abusalomu ŋà meŋ tomboŋ ka m̀ mara faata kele wuloo kono le. Saayiŋ muŋ ne ye a tinna, ali maŋ feŋ fo mansa la seyindiri kuwo to?”

2 Samuweli 20:3

Kabiriŋ Dawuda muruta a la mansabuŋo kono Yerusalaamu, a la kaŋ foroyandi musu* taŋo meŋ be a bulu, a ye mennu tu jee ka a la buŋo topatoo, a ye ì ke buŋo le kono, ka ì kanta. A ka feŋolu ke ì ye le, bari a niŋ ì buka kafu. Ì tuta maaboriŋ kuu le fo luŋo meŋ na ì faata, ì tuta sabatiriŋ jee le ko furuyaamusoolu.

Jabuuroolu 3:1

Hee Yaawe*, nte jawoolu la siyaañaa duŋ, moo jamaalu le ka wuli n kamma!

Roomankoolu 12:2

Ali kana ali faŋolu tembendi ñiŋ duniyaa kuwolu fee, bari ali si yelema ka bo niŋ hakili kutayandiroo la. Wo to le ali be Alla la lafoo loŋ na kuwolu to, mennu beteyaata, ì timmata, aniŋ ì ka a seewondi.

Kiitindirilaalu 4:10

Baraki ye Sebuluni lasiloo moolu aniŋ Nafutali lasiloo moolu kili ka naa Kedesi. Kee wuli taŋ ne bulata a nooma. Bituŋ Debora fanaa naata bula a nooma.

1 Samuweli 25:27

Ŋa ñiŋ soorifeŋolu mennu samba naŋ ite n na keebaa ye, i si ì taa, i ye ì dii i la kewolu la mennu ka i nooma.

1 Samuweli 25:42

Abikali tariyaatoo seleta faloo kaŋ. A niŋ a la dookuulaa sunkutu luulu le taata ñoo la, ì niŋ Dawuda la kiilaalu. Bituŋ a keta Dawuda la musoo ti.