2 Samuweli 13:29 - Mandinka Bible

²⁹ Bituŋ Abusalomu ye a fo a la kewolu ye ñaameŋ, ì ye wo le ke Amunoni la. Wo to le mansa dinkewolu bee wulita, ì ye ì la bahalewolu* lipa, ì borita.

2 Samuweli 13:29 Mawu Ofanana

1 Musa 36:24

Ñinnu le mu Sibeyoni dinkewolu ti: Aya aniŋ Ana. Ana, ate le ye woyoolu je wuloo kono, kabiriŋ a be a faamaa Sibeyoni la faloolu kanta kaŋ.

2 Samuweli 12:10

Wo kamma la, keloo le be tu la laariŋ i la dimbaayaa kaŋ doroŋ, kaatu i maŋ n na kuwo juubee, i ye Uriya Hitinkoo la musoo taa, ka a ke i la musoo ti.

2 Samuweli 13:30

Kabiriŋ ì be taa kaŋ, kibaaroo futata Dawuda yaa, ka a fo ko, “Abusalomu ye mansa dinkewolu bee le faa, hani kiliŋ ne maŋ tu ì kono.”

2 Samuweli 14:6

Nte i la joŋo, ŋa dinkee fula le soto. Ì dunta ñoo la keloo la kunkoo to, moo maŋ soto jee ka ì fata. Doo ye doo busa, a ye a faa.

2 Samuweli 18:9

Saayiŋ Abusalomu terenta Dawuda la kewolu ma. A be a la bahalewo* le borindi kaŋ nuŋ. Bituŋ kabiriŋ bahalewo dunta yiri baa bulu dibiriŋolu koto, Abusalomu kuntiñoo sakita yiribuloo bala. A tuta sakiriŋ foñoo kono, wo ye a tara bahalewo kenseŋo be bori la ka taa.

1 Mansoolu 1:33

a ko ì ye ko, “Ali n na mansakundaa dookuulaalu taa ali niŋ ì ye taa. N dinkewo Sulemani si sele m faŋo la bahalewo* kaŋ, ali niŋ a ye taa Kihoni woyoo to.

1 Mansoolu 1:38

Bituŋ Piriisi Sadoki, Annabilayi Natani, Benaya Yehoyada dinkewo, ì niŋ Keretinkoolu niŋ Peletinkoolu mennu mu Dawuda kantalaalu ti, ye Sulemani selendi Mansa Dawuda la bahalewo kaŋ, aduŋ ì ye a dandaŋ Kihoni.

Kuma Kotoomaalu 29:12

Niŋ maralilaa ka i lamoyi faniyaa kumoo la, a la dookuulaalu muumee ka naa jawuyaa le.

3 Musa 19:19

Ali ñanta le ka n na yaamaroolu muta. Ali kana ali la beeyaŋolu kosirindi ñoo la, mennu maŋ kiliŋ. Ali kana turu siifaa fula fii ñoo kaŋ kunku kiliŋo kono. Ali kana duŋ feŋo duŋ meŋ dadaata fanda siifaa fula la.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.