2 Samuweli 13:23 - Mandinka Bible

²³ Sanji fula ñaato, kabiriŋ Abusalomu la saajiitii kuntulaalu be Baali-Hasori Efurayimu* naanewo daala, a ye mansa dinkewolu bee buuñaatoo kumandi le, ka naa jee.

2 Samuweli 13:23 Mawu Ofanana

1 Musa 31:19

Labani taata ka a la saajiyolu tiyolu kuntu, Raheli naata a la jalaŋ leseriŋolu suuñaa a kooma.

2 Samuweli 13:24

Abusalomu taata mansa yaa, a ko, “M maarii, n na saajiitii kuntulaalu naata le. Mansa, fo ite niŋ i la dookuulaalu te kafu la n na baŋ?”

1 Mansoolu 1:19

A hayinaŋ a ye saajii jamaa bo sadaa ti, ninsituuraalu, aniŋ ninsiriŋ batundoolu. A ye i dinkewolu bee kumandi sadaa to le, aniŋ Piriisi Abiyata niŋ i la kelediŋolu la kuntiyo Yowabu, bari a maŋ i dinkewo Sulemani kumandi.

1 Mansoolu 1:25

Bii faŋo a taata le ka beeyaŋ sadaa jamaa bondi: saajiyolu, ninsituuraalu, aniŋ ninsiriŋ batundoolu. A ye i dinkewolu bee kumandi le, ka taa Yowabu, i la kelediŋolu la kuntiyo, aniŋ Piriisi Abiyata. Saayiŋ teŋ faŋo ì niŋ a be domoroo niŋ miŋo le la, aduŋ ì ka ñiŋ ne fo ko, ‘Allamaa Mansa Adoniya mee la.’

1 Mansoolu 1:9

Bituŋ Adoniya ye saajiyolu bo sadaa* ti, kooreeto ninsoolu, aniŋ ninsiriŋ batundoolu, dulaa to meŋ ka kumandi Saa Beroo la, Rokeli woyoo daala. A ye Mansa Dawuda dinkewolu niŋ mansa la ñaatonkoolu bee kumandi, mennu bota Yahuuda.

2 Mansoolu 3:4

Mesa le mu Mowabi bankoo mansa ti. Saajii jamaalu le be a bulu, a ka mennu balundi. Saŋ-wo-saŋ a ka saajiiriŋ wuli keme, aniŋ saajiikotoŋ wuli keme le tiyolu kii Banisirayila mansa ye naamoo ti.

2 Taarika 26:10

A ye tata jaŋolu loo kene kenseŋo kono, a ye koloŋ jamaa siŋ jee, kaatu a ye beeyaŋ kooree jamaa le soto, Sefela* konkotundoo* niŋ kene fanuŋo kono. A ye senelaalu soto le, aniŋ moolu mennu ka wayini* yiroolu topatoo konkoolu to aniŋ senebanku kendoolu to. Kaatu senoo diyaata a ye le.

Nehemiya 11:33

Hasori, Rama, Kitayimu,

1 Samuweli 25:2

Kewo doo le mu, a bota Mawoni le, aduŋ a ye kenoo le soto Karimeli saatewo daala. A keta nuŋ fankamaa baa le ti, kaatu a ye baa wuli kiliŋ aniŋ saajii wuli saba le soto. A ka ñiŋ saajiyolu tiyolu kuntu Karimeli le.

1 Samuweli 25:36

Kabiriŋ Abikali taata Nabali yaa, a ye a tara buŋo le kono, a be feetoo ke kaŋ komeŋ mansa. A jusoo be laariŋ ne, aduŋ a be siirariŋ baake le. Bituŋ Abikali maŋ feŋ fo a ye fo fanoo keta.

1 Samuweli 25:4

Kabiriŋ Dawuda be keñewuloo kono, a ye a moyi ko, Nabali be saajiitii kuntoo le la.

1 Samuweli 25:7

Ali si a fo a ye ko, ŋa a moyi le ko, saajiitii kuntu waatoo siita le. Kabiriŋ a la saajii kantalaalu niŋ m̀ be ñoo kaŋ, m̀ maŋ kuu tilimbaloo ke ì la, aduŋ ì ye waatoo meŋ bee ke Karimeli, hani ì la feŋ kiliŋ ne maŋ fili.