2 Samuweli 1:24 - Mandinka Bible

²⁴ Hee, Banisirayila dimmusoolu, ali Sawulu kumboo, meŋ ye ali feetoofata niŋ dendika wuleŋ daa jawoolu la, mennu ye sanoolu soto ì bala.

2 Samuweli 1:24 Mawu Ofanana

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

2 Samuweli 1:25

Ali a juubee, ǹ na kelejawaroolu boyita ñaameŋ keloo teema! Yonatani furewo be laariŋ ali la konkoo kaŋ.

Jabuuroolu 68:12

“Mansoolu be bori kaŋ ne, ì niŋ ì la kelediŋ kafoolu be bori kaŋ ne!” Musoolu be buusi feŋolu talaa kaŋ suu le.

Kuma Kotoomaalu 25:12

Komeŋ sani tulutotaa waraŋ saniforo ñaroo, wo le mu moo ñaamendiŋo la jalayiroo ti, a lamoyilaa ye.

Kuma Kotoomaalu 31:21

Niŋ sumayaa warata, a buka silandaa soto a la dimbaayaa ye, kaatu dendika kuliŋo le ka tara ì bee bala.

Yeremiya 2:32

Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

Kiitindirilaalu 5:30

“Ì be tara la talaaroo le la feŋolu la, ì ye mennu soto keledulaa: Kee-wo-kee, musu kiliŋ waraŋ musu fula, bayi ñiimaalu, wolu ye ke Sisera taa ti, soobayoolu, soobayi fula ye tara minindiŋ moo-wo-moo kaŋo la, mennu sotota keledulaa.”