2 Pita 3:7 - Mandinka Bible

⁷ Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.

2 Pita 3:7 Mawu Ofanana

Jabuuroolu 102:26

Ì be buruka la le, bari ite be tu la keriŋ ne. Ì bee le be kotoo la ko funtoo, ko duŋ feŋo, i ye ì faliŋ, ì ye yeemaŋ.

Jabuuroolu 50:3

Ǹ na Alla ka naa le, aduŋ a niŋ deyoo nte. Dimbaa saŋaroo le ka mala a ñaatiliŋo la, aduŋ turubaadoo le ka fee a dandaŋo bee la.

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Yesaya 66:15

A juubee, Yaawe niŋ dimbaa le be naa kaŋ, aduŋ a la keleraŋ sareetoolu* ka munta le ko saafoñotoo, a be a la kamfaa jindi la niŋ semboo le la, a la jalayiroo ye naa naŋ ko dimbaa neŋo.

Daniyeli 7:9

N tarata juubeeroo kaŋ ne, ì ye kiitiisiiraŋolu londi. Alifaa meŋ be keriŋ biriŋ foloodulaa to, siita. A la duŋ feŋolu be koyiriŋ ne ko perekaanoo, a kuntiñoo be koyiriŋ ko kotondi buunaa. A la kiitiisiiraŋo ye sareeti siŋ muluŋolu le soto, aduŋ dimbaa le ka bo a bala.

Sefaniya 3:8

Wo kamma la, Yaawe ye ñiŋ ne fo, a ko: “Ali i lamoyi m ma, fo janniŋ luŋo meŋ m faŋo be wuli la ka ke bankoolu la kuwolu tuumilaa ti. M pareeta le ka bankoolu bendi ñoo kaŋ, ka mansamarali bankoolu kafu ñoo ma, ŋa n na jaraboo jiyo jindi naŋ ì kaŋ, n na kamfaa baa. Duniyaa bee ye kasaara, n na kamfaa dimbaa la.”

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Matiyu 10:15

Tooñaa, m be a fo la ali ye, kiitiiluŋo be sooneeyaa la Sodomu niŋ Komora saatewolu le ye ka tambi wo saatewo la, meŋ balanta alitolu ma.

Matiyu 11:22

Bari m be a fo la ali ye, kiitiiluŋo la, kuwo be sooneeyaa la Tire niŋ Sidoni le ye ka tambi alitolu la.

Matiyu 11:24

Wo kamma la, m be a fo la ali ye, kiitiiluŋo be sooneeyaa la Sodomu le ye ka tambi alitolu la.”

Matiyu 12:36

Ŋa a fo ali ye, kiitiiluŋo la moolu be kiitindi la kuma kenseŋ-wo-kuma kenseŋ na le, ì ye meŋ fo ì daa la.

Matiyu 24:35

Saŋo niŋ bankoo be yeemaŋ na le, bari nte la kumoolu te yeemaŋ na muk.

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Maaka 6:11

Niŋ ì maŋ ali jiyaa daameŋ to, aduŋ ì maŋ soŋ i lamoyi la ali la kumoo la, ali fintitoo si ali siŋolu konkoŋ ka ke seedeyaa ti ì ye.”

Yohana 12:48

Moo meŋ balanta m ma, aniŋ a maŋ soŋ n na kumoolu la, wo be kiitindirilaa soto la le. Ŋa kumoo meŋ fo, wo le be a kiitindi la luŋ labaŋo la.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

1 Korintinkoolu 3:13

labaŋo la a maarii la dookuwo be je la le, a mu meŋ ti. Laakira looluŋo meŋ niŋ dimbaa be naa, be a lankenema la le, kaatu dimbaa le be moo-wo-moo la dookuwo kotobo la.

Filipinkoolu 1:28

Ali jawoolu kana ali kijoo farandi feŋ-wo-feŋ na. Wo be ke la taamanseeroo le ti ì ye ko, ì be kasaara la le, bari alitolu be kiisa la le. Ñiŋ mu Alla la keroo le ti.

2 Tesalonikankoolu 2:3

Ali kana soŋ, moo ye ali neenee sila-wo-sila la, kaatu wo luŋo te naa la, fo niŋ muriti baa keta foloo, aniŋ Luwaantaŋo fintita naŋ. Ate mu kasaaroo diŋo le ti,

1 Timoti 6:9

Bari moolu mennu lafita ka fanka, ì be boyi la marisa kuwo niŋ kutindiŋo kono le. Ì be bula la hame siifaa jamaa le nooma, mennu ka moolu duŋ hakilintaŋyaa niŋ mantooroo kono, aduŋ labaŋo la ì be duŋ na tiñaaroo niŋ kasaaroo le kono.

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

2 Pita 2:9

Wo to, a koyita le ko, Maariyo ye a loŋ ne, a ka a ñaasilannaalu kanandi marisa kuwolu kono ñaameŋ, aniŋ a ka tilimbaloolu tu yankankatiriŋ ñaameŋ fo kiitiiluŋo la.

2 Pita 3:10

Bari Maariyo la Luŋo be naa la le ko suŋo. Bituŋ saŋ fatoolu ye yeemaŋ, ì niŋ maakaŋ baa. Feŋolu mennu bee be alihawaa kono, ì be kasaara la niŋ dimbaa le la, aduŋ duniyaa fanaa aniŋ feŋolu bee mennu be a kono, be jani la le.

2 Pita 3:12

alitolu mennu be Alla la luŋ baa batu kaŋ, aduŋ ali la wakiiloo le ka a tariyandi naa la. Wo luŋo le, dimbaa be saŋ fatoolu kasaara la le, a be alihawaa feŋolu yelundi la.

1 Yohana 4:17

Kanoo timmata ǹ kono wo le ñaama, fo ǹ si dankeneyaa soto kiitiiluŋo la, kaatu m̀ be ñiŋ duniyaa kono le ko Kiristu.

Yuuda 1:7

Sodomu niŋ Komora, ì niŋ ì dandanna saatewolu fanaa la kuwo keta nuŋ wo le ñaama. Ì la moolu tarata laañooyaa kuu jawoolu le la, ka ì daa duŋ malu kuu jawu kewo to. Ì la badaa-badaa yankankatoo dimbaa kono keta dandalaaroo le ti moolu bee ye.

Lankenemoo 17:11

Daafeŋ saŋarariŋo meŋ be keriŋ nuŋ, aduŋ saayiŋ a te keriŋ, ate le mu mansa seyinjaŋo ti. A bota wo mansa woorowuloo le kono, aduŋ a ka taa a la kasaaroo le kono.

Lankenemoo 17:8

Daafeŋ saŋarariŋo ñiŋ, i ye meŋ je, a be keriŋ ne nuŋ, bari saayiŋ a te keriŋ. A be naa santo le ka bo dinka dambaloo kono, a ye taa kasaaroo kono. Aduŋ duniyaa moolu mennu too maŋ safee baluwo kitaaboo kono biriŋ duniyaa foloodulaa to, wolu be jaakali la le, niŋ ì ye daafeŋ saŋarariŋo ñiŋ je, kaatu a be keriŋ ne nuŋ, saayiŋ a te keriŋ, bari a be naa la le.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.