2 Pita 3:3 - Mandinka Bible

³ A kummaayaata ali ye le ka ñiŋ fahaamu ko, luŋ labaŋolu kono, ñaawalilaalu be naa la le, mennu be ñiŋ tooñaa siloo ke la jelefeŋo ti, aduŋ ì be ì fansuŋ hame kuu jawoolu nooma la le.

2 Pita 3:3 Mawu Ofanana

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Kuma Kotoomaalu 14:6

Ñaawalilaa ka ñaameŋo ñini le, bari a buka a soto, londoo sotoo ka sooneeyaa moo bulu le, meŋ ye kuwolu bo noo ñoo to.

Kuma Kotoomaalu 3:34

Ñaawalilaalu, a ka jutunnayaa samba wolu le kaŋ, bari mennu ye i fammajii, a ka hiina wolu ma le.

Yesaya 28:14

Wo to saayiŋ, alitolu ñaawalilaalu, alitolu mennu marata ñiŋ Yerusalaamunkoolu ma, ali Yaawe la kumoo moyi.

Yesaya 29:20

Moo tooralaalu te tara la baluwo to kotenke, Alla ñaawalilaalu siyo si baŋ, aduŋ mennu ñaa ka tu looriŋ ka kuu jawoo ke,

Yesaya 5:19

Ì ka a fo ko, “Alla ye i tariyaa, a ye i tariyaa a la dookuwo la, fo ǹ si a je! Banisirayila la Senuŋ Baa la feeroo ye naa, fo ǹ si a loŋ!”

Hoseya 7:5

Ì la mansa la juurali luŋo la, wayinoo* ye maralilaalu siira. Mansa niŋ ñaawalilaalu keta kiliŋ ti.

Yohana 12:48

Moo meŋ balanta m ma, aniŋ a maŋ soŋ n na kumoolu la, wo be kiitindirilaa soto la le. Ŋa kumoo meŋ fo, wo le be a kiitindi la luŋ labaŋo la.

2 Korintinkoolu 4:2

M̀ fatata malu kuwolu la le, mennu ka ke kulloo kono. M̀ buka neeneeroo ke, sako ǹ si Alla la kumoo tooñaa yelemandi. Ǹ ka tooñaa le fo koyirinke fo moo-wo-moo si a tooñaayandi noo a sondomoo kono Alla ñaatiliŋo la.

2 Timoti 3:1

I si ñiŋ kalamuta ko, luŋ labaŋolu kono, waati koleŋolu be naa la le.

Hiburunkoolu 1:2

Bari ñiŋ luŋ labaŋolu kono, a naata diyaamu ntolu ye ka bo niŋ a Dinkewo* le la, a ye alihawaa daa ka bo niŋ meŋ na, aduŋ a ye ate le tomboŋ ka ke feŋo bee keetaalaa ti.

2 Pita 1:20

Bari ali si ñiŋ fahaamu ko, kuma-wo-kuma be Kitaabu Senuŋo kono, moo te a fasari noo la a fansuŋ miiroo la.

2 Pita 2:10

Ñiŋ mu yankankatoo le ti, meŋ jawuyaata sako moolu ye, mennu ka ì balajaatoo la hame kuu kosoriŋolu nooma, aduŋ ì ka jutu kantiyolu la. Ñiŋ faniyaa karandirilaalu ka tu fatiyaariŋ ì fansuŋ siloolu le kaŋ. Ì buka sila hani ka sembetii kallankeeyaariŋolu* tooñee.

1 Yohana 2:18

N na dindiŋolu, ñiŋ ne mu waati labaŋo ti. Ali ye a moyi le fokabaŋ ko, Kiristu Konnantewo be naa kaŋ ne. Bari hani saayiŋ, Kiristu konnantee jamaa le naata. Wo kamma la, ŋà a loŋ ne ko, ñiŋ ne mu waati labaŋo ti.

Yuuda 1:16

Ñiŋ moolu mu ŋunuŋunulaalu le ti, mennu ka tu doolu tuumi la. Ì ka ì fansuŋ niidiyaa kuwolu le nooma. Ì buka i dahaa kibiroo la ì faŋolu la kuwo to, aduŋ niŋ ì ye moo doolu jayi, ì ka a ke ì faŋolu la nafaa le kamma.

Yuuda 1:18

ye mennu fo ali ye ko, “Luŋ labaŋolu kono, ñaawalilaalu be naa la le, mennu be tara la ì balajaatoolu la hame kuu jawoolu nooma la, ì la allantaŋyaa kono.”