2 Pita 2:8 - Mandinka Bible

⁸ Kaatu wo moo tilindiŋo meŋ tarata moo luwaantaŋolu kono, a ka ì la kebaaroolu mennu je luŋ-wo-luŋ, aniŋ a ka mennu moyi, wolu le keta toora baa ti a sondome tilindiŋo ye.

2 Pita 2:8 Mawu Ofanana

1 Musa 13:13

Sodomunkoolu mu moo jawu baalu le ti, ì ka tu junuboo ke la Yaawe ñaatiliŋo la.

Jabuuroolu 119:136

N ñaajiyo ka feenee le komeŋ woyoo, kaatu moolu buka i la yaamaroo muta. Tisade

Jabuuroolu 119:139

N ka kamfaa le komeŋ niŋ i ye dimbaa le mala n kono, kaatu n jawoolu ye i ñaa kaasi i la kumoo la le.

Jabuuroolu 119:158

Niŋ ŋa moo muritiriŋolu juubee, ì la kuwo ka n ñewuŋ ne, kaatu ì buka i la yaamaroolu muta.

Kuma Kotoomaalu 25:26

Komeŋ woyoo meŋ ye potoo soto, waraŋ koloŋo meŋ be nooriŋ, wo le mu moo tilindiŋo ti, meŋ ka siloo dii moo jawoo la.

Kuma Kotoomaalu 28:12

Niŋ moo tilindiŋolu ye nooroo ke, seewoo baa le ka ke, bari niŋ moo jawoo ye maraloo ke, moolu ka ì kuŋ kedulaa le ñini.

Esekiyeli 9:4

a ko a ye ko, “Duŋ Yerusalaamu kono, i ye taamanseeroo ke moolu foŋolu to, mennu niyo be toorariŋ, aniŋ ì be sunuriŋ wo kuu haraamuriŋ kewolu la mennu be saatewo kono.”

Esekiyeli 9:6

Ali si ì bee faa, musu kafuriŋ kee, dindiŋ, keebaa. Bari ali kana moolu maa, taamanseeroo be mennu foŋolu to. Ali si faaroo dati n na Batudulaa Senuŋo to.” Wo le to, ì ye faaroo dati wo alifaalu la, mennu be Batudulaa Buŋo ñaatiliŋo la.

1 Timoti 1:9

Ŋà ñiŋ fahaamu le ko, a maŋ londi moo tilindiŋolu ye, bari a londita luwaantaŋolu niŋ luwaa tiñaalaalu le ye, allantaŋolu niŋ junubelaalu, aniŋ seneyaabaloolu niŋ moo kosoriŋolu ye. A londita moolu le ye, mennu ka ì wuluulaalu faa, aniŋ moofaalaalu,

Hiburunkoolu 11:4

Ka bo niŋ lannoo le la, Haabiila ye sadaa* betoo bondi Alla ñaatiliŋo la, ka tambi Kaabiila taa la. Ka bo niŋ wo la, Alla ye a muta moo tilindiŋo ti, aduŋ a ye seedeyaa betoo ke a la kuwo to, biriŋ a sonta a la sadaa la. Haabiila faata ñaa-wo-ñaa, bari a la lannoo kamma la, a la kuwo ka tu fo la le hani saayiŋ.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.