2 Pita 2:3 - Mandinka Bible

³ Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

2 Pita 2:3 Mawu Ofanana

Yuuba 6:27

Alitolu be alikuuroo* le faŋo ke la aliyatiimoolu la. Ali ye ñoo fuufuu ali teeriñolu la.

Jabuuroolu 18:44

aduŋ tumarankewolu naata le, ka ñoyi n ye. Niŋ ì ye n na kumoo moyi doroŋ, ì ka n horoma le.

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 81:15

Mennu ye nte Yaawe koŋ, ì ŋunumatoo le be n waliŋ na, aduŋ ì la jaraboo be tu la le fo fawu.

Yesaya 5:19

Ì ka a fo ko, “Alla ye i tariyaa, a ye i tariyaa a la dookuwo la, fo ǹ si a je! Banisirayila la Senuŋ Baa la feeroo ye naa, fo ǹ si a loŋ!”

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Yesaya 60:22

Dimbaayaa meŋ maŋ siyaa i kono, be naa ke la kaabiila baa le ti, meŋ dooyaabaata si naa ke banku baa ti. Nte le mu Yaawe ti. Niŋ a waatoo siita, m be a ke la tariyaake le.”

Yeremiya 6:13

Yaawe ko: “Biriŋ moondiŋ, fo moo baa, ì bee le hadumeta ka sotoo ke niŋ jenkoo la. Biriŋ a annabiyomu, fo a piriisi*, ì bee le ka taama faniyaa la.

Yeremiya 8:10

Wo kamma la m be ì la musoolu dii la moo koteŋolu le la, ŋa ì la kunkoolu dii ì noobaalu la, kaatu biriŋ moondiŋ, fo moo baa, ì bee le hadumeta ka sotoo ke niŋ jenkoo la. Ka bo a annabiyomu, fo a piriisi*, ì bee le ka taama faniyaa la.

Esekiyeli 13:19

Ali ye horomantaŋyaa le tiliŋ n na, m fansuŋ moolu bee ñaatiliŋo la, a maŋ ke feŋ kaŋ ti fo baali* siimaŋ bulufaa dantaŋ doroŋ aniŋ mbuuru kuŋ dantaŋ. Ali ka faniyaa fo ì ye, ì ka laa ali la. Ali ka moolu le faa, mennu maŋ ñaŋ na faa la, ali ka moolu tu baluuriŋ, mennu ñanta faa la.”

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Habakuki 3:3

Alla naata ka bo Temani, Senuŋ Baa ka bo Parani Konkoo kaŋ. S A la kallankeeyaa* ye saŋ fatoolu muuri, duniyaa bee faata a jayi kaŋo la.

Malaki 1:10

Yaawe Alihawaa Maariyo ye ñiŋ ne fo ko, “A be beteyaa la m fee le, niŋ ali kono moo doo ye n na buŋo daalu soroŋ, i si a je ali te tara la dimbaa kenseŋ maloo la n na sadaajanidulaa kaŋ. M maŋ kontaani ali la kuwo la, aduŋ n te sadaa muta la meŋ be bo la ali bulu.

Matiyu 23:14

Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka furuyaamusoolu la buŋolu buusi ì la le, aduŋ ali ka duwaa jaŋolu le ke ka ali faŋ ke moo betoolu ti. Wo kamma la alitolu le la yankankatoo be jawuyaa la baake.

Luka 18:8

Hanii, m be a fo la ali ye, a be ì la hakoo dii la ì la tariyaake le. Bari niŋ Moo Dinkewo* naata, fo a be lannoo tara la ñiŋ duniyaa kono le baŋ?”

Luka 20:20

Bituŋ Luwaa karammoolu niŋ piriisi ñaatonkoolu tarata Yeesu koroosi kaŋ. Ì ye moolu kii, mennu ye ì faŋolu ke ñininkaarilaa kendoolu ti fo ì si Yeesu muta niŋ a fokumoolu la. Ì lafita a duŋ na Rooma kumandaŋo le bulu, meŋ ye kaŋo soto ka a kiitindi.

Luka 22:47

Kabiriŋ Yeesu be diyaamu kaŋ, Yudas meŋ be a la saayibe taŋ niŋ fuloo kono, a niŋ kafu baa naata jee. Yudas tambita ì ñaato, a naata Yeesu kaŋ ka a sumbu.

Yohana 2:16

Bituŋ a ko wo moolu ye, mennu be puraalu waafi kaŋ, “Ali ñiŋ feŋolu bondi jaŋ, ali kana m Faamaa la buŋo ke marisewo ti.”

Roomankoolu 16:18

kaatu wo moo siifaalu maŋ tara dookuwo la m̀ Maarii Kiristu ye, bari ì be ì konoolu le fee. Ì ka kuma diimaalu le fo ka moolu neenee mennu la miiroo maŋ wara.

2 Korintinkoolu 2:17

A keta ñaa-wo-ñaa, ntolu buka Alla la kumoo ke safaarilaŋo ti ko moo jamaa ka a ke ñaameŋ. Ǹ ka Alla la kumoo kawandi a ñaatiliŋo le la ko moo soobeeyaariŋo ñanta a ke la Kiristu too la ñaameŋ.

5 Musa 24:17

Ali kana tumarankewolu niŋ aliyatiimoolu la ñantoo nakari, aduŋ ali kana furuyaamusoo la duŋ feŋo taa ka a ke sankayaaraŋo ti juloo kunna.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

1 Tesalonikankoolu 2:5

Ali ye a loŋ ne ko, ntolu niŋ neeneeri kumoolu nene maŋ naa ali kaŋ, sako ka m̀ faŋolu yelemandi ali ye hadumoo kamma la. Alla le mu ǹ seedoo ti.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

1 Timoti 3:3

A maŋ ñaŋ na ke la dolominnaa waraŋ fitinamoo ti, bari a ñanta sooneeyaa la le. A kana ke sonkamoo ti, sako kodilandiyo.

1 Timoti 3:8

Wo ñaa kiliŋo la, maakoyirilaalu ñanta soobeeyaa la le, ì maŋ ñaŋ na ke la neŋ fula tiyolu ti, dolo jamaa minnaalu, waraŋ mennu ka tinewo ñini tapaleeyaa kono.

1 Timoti 6:5

aduŋ ì ka moolu dundi ñoo la le, mennu hakiloolu nakarita, ì maŋ tara tooñaa kaŋ kotenke. Wo moolu ye a miira le ko, Alla la siloo mu naafulu ñiniraŋo le ti.

Titus 1:11

Ì daalu ñanta soroŋ na le, kaatu ì be dimbaayaalu muumewo le la lannoo kasaara kaŋ niŋ karandiroo la, ì maŋ ñaŋ na meŋ ke la. Ì ka a ke tinewo le kamma, meŋ maŋ bo niŋ tiliŋo la.

Titus 1:7

Yeesu la kafoo la kantarilaa mu Alla la dookuulaa kuntiyo le ti. Wo to, a ñanta ke la moo le ti, meŋ maŋ sootaaroo soto. A maŋ ñaŋ na ke la faŋ wara moo ti, moo jusu sutuŋo, dolominnaa, waraŋ fitinamoo. A maŋ ñaŋ na tinewo ñini la tapaleeyaa kono,

1 Pita 2:8

Aduŋ: “A mu beroo le ti, moolu be taki la meŋ na, bere baa meŋ be moolu boyindi la.” Tooñaa, ì ka boyi le, kaatu ì maŋ Alla la kumoo muta. Wo boyoo keta kuwo le ti, Alla ye meŋ londi ì ye.

1 Pita 5:2

Ali Alla la saajii koorewo topatoo, a ye meŋ karafa ali ma. Ali kana a ke niŋ ŋunuŋunoo la, bari ali duña a kewo la. Ali kana a ke naafulu ñiniraŋo ti, bari ali a ke niŋ ŋaniya betoo la.

2 Pita 1:16

Biriŋ m̀ be Maarii Yeesu Kiristu la murunaŋo la semboo seedeyaa la ali ye, m̀ maŋ taaliŋ kenseŋolu nooma, mennu mu hadamadiŋ feeroo niŋ ñaameŋo ti. Ŋà a la kallankeeyaa meŋ bankee ali ye, ŋà wo je m̀ fansuŋ ñaalu le la.

2 Pita 2:1

Bari faniyaa annabiyomoolu naata wuli moolu kono le nuŋ, wo ñaa kiliŋo la faniyaa karandirilaalu be tara la ali fanaa kono le. Ì be faniyaa karandiroolu kullootoo naati la ali kono le, mennu ka tiñaaroo saabu. Aduŋ ì be paree la le hani ka balaŋ Kuntiyo ma, meŋ ye ì kumakaa a faŋo ye. Ka bo wo siloo la, ì ye kasaaroo le boyi ì faŋolu kaŋ.

2 Pita 2:9

Wo to, a koyita le ko, Maariyo ye a loŋ ne, a ka a ñaasilannaalu kanandi marisa kuwolu kono ñaameŋ, aniŋ a ka tilimbaloolu tu yankankatiriŋ ñaameŋ fo kiitiiluŋo la.

Yuuda 1:11

Kooroo be itolu ye le, kaatu ì bulata Kaabiila la siloo le nooma. Ì ye ì faŋ dii kodilandiyaa la, meŋ keta Balaamu fanaa la boyoo ti nuŋ. Ì keta balannaalu ti ko Kora, aduŋ ì be kasaara la wo le ñaama.

Yuuda 1:15

a be moolu bee kiitindi la le. A be allantaŋolu bee halaki la ì la kebaara kuruŋolu la le, ì ye mennu ke ì la allantaŋyaa kono. A be halakoo laa la ì kaŋ kuma jawoolu kamma la, itolu junubelaa allantaŋolu ye mennu fo a ma.”

Yuuda 1:16

Ñiŋ moolu mu ŋunuŋunulaalu le ti, mennu ka tu doolu tuumi la. Ì ka ì fansuŋ niidiyaa kuwolu le nooma. Ì buka i dahaa kibiroo la ì faŋolu la kuwo to, aduŋ niŋ ì ye moo doolu jayi, ì ka a ke ì faŋolu la nafaa le kamma.

Yuuda 1:4

Moo doolu mennu la halakoo be looriŋ biriŋ jamaani jaŋ koomanto, ì feeretoo dunta ali la kafoo kono le. Ì mu allantaŋolu le ti, mennu ka Alla la hiinoo faliŋ ka a ke lanjuuroo ti malubaliyaa kuwolu kamma la. Aduŋ ì balanta Yeesu Kiristu ma, meŋ dammaa mu ǹ na Kuntiyo niŋ Maariyo ti.

Yuuda 1:7

Sodomu niŋ Komora, ì niŋ ì dandanna saatewolu fanaa la kuwo keta nuŋ wo le ñaama. Ì la moolu tarata laañooyaa kuu jawoolu le la, ka ì daa duŋ malu kuu jawu kewo to. Ì la badaa-badaa yankankatoo dimbaa kono keta dandalaaroo le ti moolu bee ye.