2 Musa 6:4 - Mandinka Bible

⁴ N niŋ ì ye kambeŋo fanaa siti le, ka ì laahidi ko, m be Kanaani bankoo dii la ì la le, ì sabatita bankoo meŋ kaŋ nuŋ ko tumarankewolu.

2 Musa 6:4 Mawu Ofanana

1 Musa 28:4

Allamaa Alla neema la i ma, aniŋ i koomalankoolu, ko a neemata Iburayima ma ñaameŋ. Allamaa ñiŋ bankoo tara la i taayaa to, Alla ye Iburayima laahidi meŋ na, i be luntaŋyaa la daameŋ to teŋ.”

1 Musa 15:18

Wo luŋ ne mu, Yaawe ye kambeŋo londi a niŋ Iburama teema ka a fo a ye ko, “Ŋa ñiŋ bankoo dii i koomalankoolu la le, ka bo Misira Wulumbaŋo bala, ka taa fo boloŋ baa bala, meŋ mu Yufurati Boloŋo ti.

1 Musa 26:3

Sii ñiŋ bankoo kaŋ ko luntaŋo. M be tara la i fee le, aduŋ m be neema la i ma le. M be ñiŋ bankoo bee dii la i la, aniŋ i koomalankoolu, aduŋ m be laahidoo timmandi la le, ŋa n kali meŋ na i faamaa Iburayima ye.

Kiilaalu 7:5

Hani wo, a maŋ keetaafeŋo dii a la ñiŋ bankoo to, hani simfaa kiliŋ. Bari Alla ye a laahidi le ko, a be a dii la a koomalankoolu la le, wo ye a tara hani a maŋ diŋo soto foloo.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Jabuuroolu 105:12

Tuma meŋ ì yaatewo be dooyaariŋ, ì moo dantaŋ doroŋ ne mu, aduŋ tumarankewolu le mu ì ti nuŋ Kanaani bankoo kaŋ.

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

1 Musa 28:13

Bituŋ Yaawe* loota a karatantaŋo la, a ko a ye ko, “Nte le mu Yaawe ti, i faamaa Iburayima la Alla, aniŋ Isiyaaka. I be laariŋ ñiŋ bankoo meŋ kaŋ teŋ, m be a dii la i la le, aniŋ i koomalankoolu.

1 Musa 23:4

“Nte mu luntaŋo le ti, aduŋ tumarankewo le mu n ti ka tara siiriŋ ali kono jaŋ. Ali dulaa waafi m ma, baadeedulaa, ka n na musoo furewo baadee jee.”

1 Musa 17:4

“Nte la karoo la, ñiŋ ne mu kambeŋo ti n niŋ i teema: I be ke la lasili jamaa le bonsuŋo ti.

1 Musa 15:13

Bituŋ Yaawe ko Iburama ye ko, “Ñiŋ loŋ, a ye koyi i ma ko, i koomalankoolu be ke la tumarankewolu le ti bankoo kaŋ, meŋ maŋ ke ì taa ti. Ì be ke la joŋolu le ti jee, aduŋ ì be tara la marali jawoo le kono fo sanji keme naani.

1 Musa 6:18

Bari m be kambeŋo le londi la n niŋ i teema. I si naa bula kuluŋo kono, i niŋ i dinkewolu, i la musoo, aniŋ i dinkewolu la musoolu.

1 Musa 12:7

Bituŋ Yaawe naata finti Iburama kaŋ, a ko a ye ko, “M be ñiŋ bankoo dii la i koomalankoolu le la.” Wo le to a naata sadaabodulaa* loo jee Yaawe ye, meŋ fintita a kaŋ jee.

1 Musa 26:4

M be i koomoo siyandi la le komeŋ looloolu, aduŋ m be ñiŋ bankoolu bee dii la itolu le la. Aduŋ moolu mennu bee be tara la duniyaa kono, be neemoo soto la ka bo niŋ i koomoo le la.

4 Musa 10:29

Musa ko Hobabu, a bitankee Reweli Midiyaninkoo dinkewo ye ko, “Ǹ ka taa bankoo le kaŋ Yaawe ye ǹ laahidi meŋ na. I niŋ ŋà taa ñoo la. M̀ be beteyaa la i fee le, kaatu Yaawe ye kuu kendoolu le laahidi Banisirayila ye.”

2 Musa 6:8

M be ali samba la naŋ bankoo to le, ŋa kali bambandiŋo ke meŋ na kuwo to, ka a dii Iburayima, Isiyaaka aniŋ Yaakuba la. M be a dii la ali la le, a ye ke ali fansuŋ taa ti. Nte le mu Yaawe ti.’ ”

2 Musa 13:4

Bii meŋ keta saŋo kari foloo luŋo ti, Abibu karoo, le ali bota Misira.

2 Musa 13:5

Yaawe be ali samba la Kanaaninkoolu, Hitinkoolu, Amorinkoolu, Hiwinkoolu aniŋ Yebusinkoolu la bankoo kaŋ ne. A ye i kali ali la moo foloolu ye bankoo meŋ na ko, a be a dii la ali la le, keekewo niŋ liyo ka woyi daameŋ. Niŋ ali futata jee, ali ñanta a luŋo juura la le ñiŋ karoo.

Jabuuroolu 105:11

A ko, “M be Kanaani bankoo dii la i la le, a ye ke i koomalankoolu la keetaafeŋo ti.”