2 Mansoolu 8:12 - Mandinka Bible

¹² Hasayeli ko a ye ko, “M maarii, i ka muŋ ne kumboo?” Elisa ko a ye ko, “Ŋa a loŋ ne, i be naa kuu jawoo meŋ ke la Banisirayilankoolu la. I be dimbaa duŋ na ì la saatee tatariŋolu la le, ka ì la fondinkee kendoolu faa niŋ hawusaroo* la, ka ì la deenaani mereŋolu busa ka ì janjaŋ, aniŋ ka ì la musu konomaalu konoo fara.”

2 Mansoolu 8:12 Mawu Ofanana

1 Mansoolu 18:13

Aduŋ fanaa m maarii, i si ñiŋ loŋ ko nte ŋa annabiyomu keme maabo Yesebeli ma berehuu fula kono le, kabiriŋ a be ì faa kaŋ, aduŋ n ka domoroo niŋ jiyo dii ì la.

1 Mansoolu 19:17

Niŋ moo-wo-moo kanata Hasayeli la faaroo ma, Yehu be wo maarii faa la le, aduŋ niŋ moo-wo-moo kanata Yehu la faaroo ma, Elisa be wo maarii faa la le.

2 Mansoolu 12:17

Wo waatoo la Aramu mansa Hasayeli taata Kati saatewo boyinkaŋ, aduŋ a ye jee muta. Bituŋ a muruta ka naa boyi Yerusalaamu saatewo kaŋ.

2 Mansoolu 12:18

Bari Yahuuda mansa Yowasi ye jooraŋ senuŋolu taa le, a faa mansoolu ye mennu ŋaniya ka ì dii, aniŋ a faŋo la jooraŋolu kafuriŋo. A faa mansoolu wolu le keta Yahuuda mansoolu ti, Yehosafati, Yehoramu, aniŋ Ahasiya. A ye sanoo bee taa meŋ be mansasuwo naafulu maabodulaa to, aniŋ Yaawe Batudulaa Buŋo naafulu maabodulaa to. A ye ì kii Hasayeli ye, Aramu mansa. Bituŋ Hasayeli naata boyinkaŋo baayi, a ye meŋ wulindi Yerusalaamu kamma.

2 Mansoolu 13:22

Aramu mansa Hasayeli ye Banisirayila bankoo moolu toorandi le Yehohasi la maraloo waatoo muumewo bee kono.

2 Mansoolu 13:3

Yaawe naata kamfaa baake Banisirayilankoolu kamma, bituŋ a ye ì duŋ Aramu mansa Hasayeli bulu, aniŋ a dinkewo Beni-Hadadi, ka ì mara fo waati jaŋ.

2 Mansoolu 13:7

Feŋ maŋ tu Yehohasi la kelediŋolu to niŋ a maŋ ke suuborindilaa kee taŋ luulu ti, keleraŋ sareeti* taŋ, aniŋ sinna kelediŋ wuli taŋ. Aramu mansa le ye wo too bee kasaara, aduŋ a ye ì toñonka le komeŋ bankumunkoo.

2 Mansoolu 15:16

Wo waatoo la, Menahemu ye Tifusa saatewo muumewo kasaara, aniŋ a dandaŋo bee, ka taa fo Tirisa saatewo to. Kaatu ì maŋ soŋ ka jee daa yele a ye. A ye jee teyi, aduŋ a ye a musu konomaalu bee le konoo fara.

2 Mansoolu 4:28

Musoo ñiŋ ko Elisa ye ko, “M maarii, fo nte le ye i daani diŋo la baŋ? Fo m maŋ a fo i ye ko kana n neenee?”

Yesaya 13:16

Ì be ì la dindiŋolu busa la ka ì janjaŋ ì faŋolu ñaa la le, ì ye ì la bunkono feŋolu fuufuu, ì ye ì la musoolu ñapinkaŋ.

Yesaya 13:18

Ì la kaloolu be fondinkewolu faa la le, ì te balafaa soto la deenaanoolu ye, sako ka hiinoo yitandi dindiŋolu la.

Hoseya 10:14

wo to keloo si wuli ali la moolu kamma. Ali la tatoolu bee si teyi, ko Mansa Salimani ye Beti-Aribeli teyi ñaameŋ, luŋ meŋ na, ì ka musoolu niŋ ì diŋolu busa bankoo to ka ì janjaŋ.

Hoseya 13:16

Samariyankoolu be ì la junuboo dunoo taa la le, kaatu ì balanta ì la Alla ma le. Hawusaroo* le be ì faa la, ì ye ì diŋolu busa ka ì janjaŋ bankoo to. Ì la musukonomaalu, ì ye wolu konoolu fara.”

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Amosi 1:13

Yaawe ye ñiŋ ne fo ko, “Ammoninkoolu ye landatambi junube kuwolu le ke. Ì ye keloo le ke, ì ye musu konomaalu konoolu fara Kileyadi tundoo kaŋ, danko doroŋ ka ì la bankoo lafaa. Wo kamma la n te ì jaraboo baayi la muk.

Nahumu 3:10

Hani wo bee, jawoolu ye a muta, a keta kelejoŋo ti. Hani dindiŋolu, ì ye ì lipaŋ-lipaŋ mbeedoolu kaŋ ne taariŋ fo ì ye ì faa. Alikuuroolu* le keta a la kee kummaayaariŋolu la kuwo to, ka ì talaa ñoo teema. A ñaatonkoolu tuta sitiriŋ neejoloolu la.