2 Mansoolu 8:11 - Mandinka Bible

¹¹ Bituŋ a ye a ñaa loo a kaŋ ka a juubee kendeke fo labaŋo la Hasayeli maluta. Wo le to Alla la moo Elisa kumboota.

2 Mansoolu 8:11 Mawu Ofanana

1 Musa 45:2

A kumboota, fo labaŋo Misirankoolu ye a kumboo kaŋo moyi, aduŋ ñiŋ kuwo futata Firawoona la mansabuŋo to le.

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 2:17

Bari ì ye a daani fo labaŋo a maŋ balaŋ noo ì ma. Bituŋ a ko, “Ali ì kii.” Wo le to ì ye kee taŋ luulu kii. Ì taata ì ye a ñini fo tili saba, bari ì maŋ a je.

Jabuuroolu 119:136

N ñaajiyo ka feenee le komeŋ woyoo, kaatu moolu buka i la yaamaroo muta. Tisade

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 9:18

Ì ye i tariyaa naŋ, ì ye naa lemba ali ma, fo ali ñaalu ye faa niŋ ñaajiyo la, ñaajiyo ye buruntu ali ñaasiŋolu la.

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.

Yohana 11:35

Yeesu kumboota.

Kiilaalu 20:19

N ka Maariyo batu niŋ fammajii baa la, aniŋ ñaajiyo. N ka a batu bataa kuwolu le bee kono, mennu boyita n kaŋ ka bo niŋ Yahuudoolu la feeroolu la.

Kiilaalu 20:31

Wo kamma la, ali koroosiroo ke! Ali hakiloo si bula n na kuwo la ko, n nene maŋ n dahaa ali dandalaa la, suutoo niŋ tiloo, n niŋ ñaajiyo, fo sanji saba.

Roomankoolu 9:2

Ŋa sunu baa le soto n sondomoo kono, aniŋ niitooroo meŋ maŋ dandulaa soto,

Filipinkoolu 3:18

Kaatu moo jamaa be baluuriŋ, ì mu Kiristu la yiribantambiloo jawoolu le ti, ko ŋa a fo ali ye ñaameŋ siiñaa jamaa koomanto, saayiŋ n kumbootoo le be a fo kaŋ ali ye.