2 Mansoolu 6:17 - Mandinka Bible

¹⁷ Wo le to Elisa duwaata ka a fo ko, “Dukaree Yaawe*, a ñaalu yelendi fo a si jeroo ke.” Bituŋ Yaawe ye a la dookuulaa ñaalu yelendi, a ye konkoo kaŋ bee je faariŋ suu dimbaamaalu la, aniŋ keleraŋ sareeti dimbaamaalu, Elisa dandaŋo bee la.

2 Mansoolu 6:17 Mawu Ofanana

1 Musa 21:19

Wo le to Alla ye a ñaalu yelendi. Bituŋ a ye koloŋo je, jiyo be a kono. A taata jee, a ye sufura bootoo fandi jiyo la, a ye dindiŋo mindi a la.

1 Musa 32:1

Yaakuba taata a la siloo la, bituŋ Alla la malaayikoolu niŋ a benta.

1 Musa 32:2

Kabiriŋ Yaakuba ye ì je, a kumata ko, “Ñiŋ mu Alla la daakaa le ti!” Bituŋ a ye wo dulaa ñiŋ kumandi Mahanayimu la.

1 Musa 32:3

Yaakuba ye kiilaalu kii a ñaato a kotoomaa Esawu ye, meŋ be sabatiriŋ Seyiri konkotundoo* to Edomu bankoo kaŋ.

2 Mansoolu 2:11

Ì taatoo, ì be kacaa kaŋ, loodulaa kiliŋ, keleraŋ sareeti* dimbaamaa niŋ suu dimbaamaalu dunta ì teema ka ì fatandi. Bituŋ Eliya taata foño baa kono Arijana.

Jabuuroolu 104:3

I ye i la sabatidulaa loo jiyolu le kaŋ, mennu be saŋ fatoolu ye santo la. I ka tawaloolu le ke i la keleraŋ sareetoolu* ti, aduŋ i la taamaraŋo mu foñoo le ti, i ka tii a fee ko kunoo niŋ a dampaŋo.

Jabuuroolu 104:4

I ka foñoo le ke i la kiilaa ti, dimbaa ye ke i la dookuulaa ti.

Jabuuroolu 119:18

N ñaalu yelendi, fo n si kaawakuu tooñaalu je i la karandiroo kono.

Jabuuroolu 125:2

Komeŋ konkoolu ye Yerusalaamu murubeŋ ñaameŋ, Yaawe ye a la moolu murubeŋ wo le ñaama, ka bo saayiŋ na, ka taa fo abadaa.

Jabuuroolu 34:7

Yaawe la malaayikoo le ka moolu kanta, mennu ye a kuliyaa, aduŋ a ka ì tanka le.

Jabuuroolu 68:17

Maariyo bota naŋ Siyoni Konkoo to, a niŋ a la keleraŋ sareeti* wuli dambaloolu, ka duŋ a Batudulaa Senuŋo kono.

Jabuuroolu 91:11

A be a la malaayikoolu yaamari la i la kuwo la le, ka i kanta i taaraŋ siloolu bee kaŋ.

Jabuuroolu 91:15

Niŋ i ye n kumandi, m be n danku la i ma le. Niŋ i bulata mantooroo kono, m be tara la i fee le. M be i bondi la le, ŋa horomoo dii i la.

Yesaya 42:7

I be ñaa finkiriŋolu yelendi la le, i ye mutamoolu bondi bunjawoo kono, ka moolu fintindi mennu be bunjawoo dulaa dibiriŋ baa kono.

Daniyeli 10:7

Nte Daniyeli doroŋ ne ye jeroo ke. Moolu mennu tarata m fee, wolu maŋ feŋ je, bari ì silabaata le, fo ì borita ka maabo.

Jakariya 1:8

Suutoo ŋa jeroo ke jaharaŋo kono. Ñiŋ jeroo kono, ŋa kewo le je n ñaatiliŋo la, a be suu wuleŋo kaŋ, a be looriŋ miritali yiroolu kono wulumbaŋo kono. A kooma, suu koyi tiyolu be looriŋ jee, suu wuleŋ tiyolu, aniŋ mennu be ko wuluyeloo.

4 Musa 22:31

Bituŋ Yaawe ye Balaamu faŋo ñaalu yele, a ye malaayikoo je looriŋ siloo kaŋ hawusaroo be a bulu. Bituŋ a sujudita a ye duuma.

Matiyu 26:53

Fo ite ye a miira le ko, nte te m Faamaa daani noo la ka malaayika wuliwuloolu kii n ye naŋ saayiŋ-saayiŋ?

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Efesusinkoolu 1:18

Allamaa ali sondomeñaalu ye maloo soto, fo ali si jikoo loŋ, a ye ali kumandi meŋ kaŋ, aniŋ ali si a la keetaafeŋ kallankeeyaariŋo la waroo loŋ, a ye meŋ soto moo senuŋolu ye.

Hiburunkoolu 1:14

Fo malaayikoolu bee maŋ ke dookuulaalu doroŋ ne ti baŋ? Ì bee mu maakoyirilaa nooroolu le ti, Alla ye mennu kii wo moolu ye, mennu be kiisoo soto la.

Lankenemoo 19:11

Bituŋ ŋa Arijana je yeleriŋ, suu koyoo be jee. A borindilaa meŋ be siiriŋ a kaŋ, a ka kumandi Foroo niŋ Tooñaa le la. A ka kiitiyo niŋ keloo ke niŋ tiliŋo le la.

Lankenemoo 19:14

Bituŋ ŋa Arijana kelediŋ kafoolu je a nooma kaŋ, ì niŋ suu koyoolu. Ì be feetoofatariŋ fulaari ñiimaa la, meŋ be seneyaariŋ, a be koyiriŋ ko perekaanoo.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.