2 Mansoolu 6:12 - Mandinka Bible

¹² A la mansakundaa alifaa kiliŋ ko a ye ko, “M maarii mansa, ntolu kono kiliŋ te. Elisa le mu, Banisirayila la annabiyomoo. Niŋ i ye kuma-wo-kuma fo kulloo kono, ate le ka a sindi Banisirayila mansa ma.”

2 Mansoolu 6:12 Mawu Ofanana

2 Mansoolu 5:26

Elisa ko a ye ko, “Fo nte foñomaa te nuŋ jee kabiriŋ kewo ñiŋ jiita a la sareetoo kaŋ, a ye i benduŋ? Fo ñiŋ mu kodi ñini waatoo le ti baŋ, aniŋ ka sitifeŋolu soto, olifu* yiri kankaŋolu niŋ wayini* yiri kankaŋolu, waraŋ saajiyolu niŋ ninsi koorewolu, waraŋ jonkewolu niŋ jommusoolu?

2 Mansoolu 5:3

Luŋ kiliŋ joŋ sunkutundiŋo ñiŋ ko a maariimusu ye ko, “Niŋ a ye a tara m maariikee taata annabiyomoo yaa Samariya saatewo to, a be a la balajawu kuuraŋo jaara la le.”

2 Mansoolu 5:8

Bituŋ kabiriŋ Alla la moo Elisa ye a moyi ko Banisirayila mansa ye a faŋo la dendikoo fara le, a ye kiilaa kii a kaŋ, a ko a ye ko, “Muŋ ne ye a tinna i ye i la dendikoo fara? Kewo ñiŋ bula a ye naa n yaa, a be a loŋ na le ko, annabiyomoo be Banisirayila kono le.”

2 Mansoolu 6:11

Bituŋ ñiŋ kuwo naata Aramu mansa kamfaa baake. A ye a la mansakundaa dookuulaalu kumandi, a ko ì ye ko, “Jumaa le be ǹ kono meŋ be laariŋ Banisirayila mansa kaŋ?”

2 Mansoolu 6:13

A ko ì ye ko, “Ali taa a taradulaa ñini. M be kelediŋolu le kii la ì ye taa a muta.” Kibaaroo naata futa a ma ko annabiyomoo ñiŋ be Dotani le.

2 Musa 8:3

Nayili Boloŋo be faa la totoolu le la. Ì be naa la le fo i la mansabuŋo kono, aniŋ i la konoto buŋo to fo i la laaraŋo kaŋ, i la ñaatonkoolu la buŋolu kono, i la moolu kaŋ, aniŋ i la fuuroo niŋ i la mbuuru nooniraŋolu kono.

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Kawandilaa 10:20

Kana mansa neŋ, hani i la miiroolu to, aduŋ i kana fankamaalu neŋ, hani i dammaa be i la laabuŋo kono. Kunoolu si i la kumakaŋolu samba noo le, waraŋ dampammaa feŋ koteŋolu ye i la kumakaŋo seyinkaŋ saata.

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.

Daniyeli 2:47

Mansa ko Daniyeli ye ko, “Tooñaa, i la Alla le warata alla koteŋolu bee ti, aduŋ ate le mu mansoolu Maarii ti, meŋ ka kulloolu lankenemayandi. Wo le ye a tinna i ye ñiŋ kulloo kotoo fo noo.”

Amosi 3:7

A be koyiriŋ ne lewu ko, Maarii Yaawe buka kuu ke, a ye a tara a maŋ a lankenemayandi a la dookuulaalu, annabiyomoolu ye.