2 Mansoolu 3:23 - Mandinka Bible

²³ Wo to le ì sarita ka a fo ko, “Yeloo le mu ñiŋ ti! Mansakewolu dammaa banta sonka, ì la moolu ye kele ka ñoo faa. Mowabi kewolu, ali wuli ŋà taa alifudii feŋolu kamma!”

2 Mansoolu 3:23 Mawu Ofanana

2 Mansoolu 3:22

Kabiriŋ ì wulita soomandaa, ì ye a je tiloo be malamala la jiyo kaŋ, Banisirayilankoolu be daameŋ to. Mowabinkoolu ye malamaloo ñiŋ hayinaŋ ì ñaatiliŋo la, a be wuleeriŋ komeŋ yeloo.

2 Mansoolu 3:24

Bari kabiriŋ ì futata Banisirayilankoolu la daakaa to, Banisirayilankoolu wulita ì kamma ka ì kele. Mowabinkoolu borita, aduŋ Banisirayilankoolu ye ì bayindi ka ì faa. Ì tuta ì bayindi kaŋ ne fo ì la bankoo kaŋ ka ì faa.

2 Mansoolu 7:6

Kaatu Yaawe ye a tinna le Aramu kelediŋolu tuloo ye keleraŋ sareetoolu* bori kaŋo moyi naŋ, aniŋ suwoolu niŋ kelediŋ kafu baa. Wo ye a tinna le ì ko ñoo ye ko, “Banisirayilankoolu la mansa ye Hitinkoolu la mansoolu le laa a faŋ kaŋ, aniŋ Misira mansoolu ka naa ǹ kele.”

2 Taarika 20:25

Bituŋ Yehosafati niŋ a la moolu fintita naŋ ka ñiŋ moolu la feŋolu taa. Ì ye beeyaŋ jamaa le tara jee, jooraŋolu, sitifeŋolu aniŋ feŋ kummaa baalu. Ì ye ñiŋ feŋolu samba ì faŋolu ye, ì ye ì yoronda le fo ì korita. Feŋolu la siyaa kamma la, ì ye ì yoronda le fo tili saba.

2 Musa 15:9

“I jawoolu ye daa wara kumoolu fo ko, ‘M̀ be ì bayindi la, aduŋ m̀ be ì tarandi la le. M̀ be ì la naafuloo talaa la le, meŋ diyaata ǹ ye, m̀ be wo le taa la. M̀ be ǹ na hawusaroo* saba la, m̀ be ì bee kasaara la le.’

Yesaya 10:14

M buloo siita bankoolu la naafuloolu ma, ko moo si futa noo kunu ñaŋo ma ñaameŋ. Ŋa bankoolu bee kafuŋ-kafuŋ ne, ko moo ka kiloolu kafuŋ-kafuŋ ñoo kaŋ ñaameŋ, kunoo ye mennu tu jee. Hani kiliŋ ne maŋ a dampaŋo jiijaa waraŋ ka a daakaloo yele ka kuma.”

Kiitindirilaalu 5:30

“Ì be tara la talaaroo le la feŋolu la, ì ye mennu soto keledulaa: Kee-wo-kee, musu kiliŋ waraŋ musu fula, bayi ñiimaalu, wolu ye ke Sisera taa ti, soobayoolu, soobayi fula ye tara minindiŋ moo-wo-moo kaŋo la, mennu sotota keledulaa.”