2 Mansoolu 25:4 - Mandinka Bible

⁴ Bituŋ Babiloni kelediŋolu naata saatewo tata sansaŋo teyi. Wo suutoo faŋo le Sedekiya niŋ a la kelediŋolu borita ka kana niŋ dundaŋ daa la, meŋ be mansa kankaŋo daala, ì ye a loŋ ñaa-wo-ñaa ko, Babiloni kelediŋolu tarata muruŋ-murundiŋ saatewo la le. Ì borita niŋ siloo le la, meŋ ka taa Araba* tundoo maafaŋo la.

2 Mansoolu 25:4 Mawu Ofanana

2 Mansoolu 25:5

Babiloni kelediŋolu ye mansa bayindi, ì taata a soto Yeriko kene fanuŋo le kono. Bituŋ a la kelediŋolu bee janjanta, ì ye a tu jee.

2 Taarika 32:5

Hesekiya ye a tewo siti, a ye saatee tata sansaŋo lookuu, daameŋ to boyita. A ye tatoolu jaŋayandi, aniŋ a ye tata sansaŋo doo loo ñiŋ tata sansaŋo ye banta la. A ye sapoolu bambandi fanaa, meŋ be Dawuda la Saatewo* to. A ye kelejooraŋ jamaa niŋ koteeroolu* dadaa.

Nehemiya 3:15

Koli-Hose dinkewo Salluni, Misipa kumandaŋ bankoo maralaa, le ye Woyito Dundaŋ Daa seyinkaŋ dadaa. A ye a loo le, a ye a santo kuyaŋ, ka daa tawundaŋolu ke a la, sorondaŋolu, aniŋ bantambiloolu. A ye tata sansaŋo fanaa seyinkaŋ loo Silowamu Daloo to le, meŋ be Mansa Kankaŋo daala, aniŋ ka taa fo teputepoolu to, mennu jiita ka bo Dawuda la Saatewo* bala.

Yesaya 22:11

Ali ye jii maabodulaa doo dadaa saatewo tata sansaŋ fuloo teema, ka jiyo ke jee meŋ bota Dala Kotoo to. Bari Alla meŋ ye ñiŋ laa ali kaŋ, ali maŋ wo la kuwo hakilitu, waraŋ ali hakiloo si bula a la, meŋ ye ñiŋ kuwo feere waati jaŋ koomanto.

Yesaya 22:3

Ali la kelediŋ kuntiyolu bee borita ñoo la waati kiliŋ, ì ye ì muta le, kalabeñe maŋ fayi. Ì ye mennu je, ì ye ì bee le muta, hani ì borita fo dulaa jaŋ ñaa-wo-ñaa.

Yeremiya 32:4

Yahuuda mansakewo Sedekiya te kana la mutaroo ma. Fo a si duŋ Babiloni mansakewo buloo kono doroŋ. A niŋ a be diyaamu la ñoo ye le, ñaa niŋ ñaa.

Yeremiya 34:3

Ite faŋo te kana la a ma, fo ì si i muta doroŋ ka i duŋ a bulu. I be Babiloni mansakewo je la le, i ñaa niŋ a ñaa, aduŋ i niŋ a be diyaamu la ñoo ye le. Aduŋ i be taa Babiloni le.

Yeremiya 38:18

Bari niŋ i maŋ i faŋ seyi ì ma, ñiŋ saatewo be duŋ na Babiloninkoolu bulu le. Ì be a jani la le fo a niŋ bankoo ye tembe, aduŋ ite faŋo te kana la ì ma.”

Yeremiya 4:17

Ì ye Yerusalaamu muruŋ-muruŋ ne ko kunku kantalaalu, bayiri a ye balaŋo tiliŋ nte le la.” Yaawe le ye a fo.

Yeremiya 4:29

Suuborindilaalu niŋ kalabeñe fayilaalu maakaŋo naŋ, wo le be saatewolu bee moolu borindi la. Doolu be duŋ na sutu dibiŋolu le kono, doolu ye sele ka taa konko berehuwolu kono. Saatewolu bee be kenseŋyaa la le, moo te tara la sabatiriŋ jee.

Yeremiya 44:30

Nte Yaawe le ye ñiŋ fo ko: M be Misira mansakewo Firawoona Hofura duŋ na a jawoolu bulu le, mennu be a niyo nooma. A be ke la le ko, ŋa Yahuuda mansakewo Sedekiya duŋ Babiloni mansakewo Nebukanesa bulu ñaameŋ, a jawoo meŋ tarata a niyo nooma.”

Yeremiya 5:10

A ko: “Ali i seyiŋ a wayini* yiri kankaŋolu kono ka ì kuntu, bari ali kana ì bee kasaara kewu. Ali a buloolu jasi, bayiri wo moolu maŋ ke nte Yaawe taa ti.

Niikuyaa Suukuwolu 1:3

Ceyi! Yahuuda taata mutoo kono, a niŋ mantooroo niŋ doo koleŋo. A be siiriŋ banku koteŋ moolu le kono saayiŋ, a maŋ dahaa dulaa soto. A bayindilaalu bee le ye a tara detoo kono, ì ye a muta.

Niikuyaa Suukuwolu 1:6

Fo Dimmusuriŋ* Siyoni la horomoo, wo le keta kuu tambiriŋo ti teŋ? A maralilaalu keta le ko minaŋolu, mennu maŋ daañini dulaa soto, ì sembentaŋolu borita ì jawoolu ñaato.

Esekiyeli 12:12

Aduŋ ì la mansakewo be a la fudoo deŋ na a kaba la wo le ñaama, a ye buŋo baloo siŋ, ka finti niŋ jee la diboo kono. Aduŋ a be feŋ ne muuri la a ñaadaa kaŋ, meŋ be a tinna la, a te feŋ je noo la.

Esekiyeli 12:14

M be a la dookuulaalu niŋ a la kelediŋolu bee janjandi la karoo bee la le, n niŋ hawusaroo* ye bula ì nooma.

Esekiyeli 12:4

I la fudoo fintindi naŋ, ì bee ñaa la, tilibula baa la, ko mutamoo ka a ke ñaameŋ. Bituŋ ì bee ñaa la, i ye i ñuŋ i la fudoo la, wulaarandiŋ sumaa la, i ye ke ko ì ka meŋ samba mutoo kono.

Esekiyeli 33:21

Ǹ na taa mutoo kono sanji taŋ niŋ fulanjaŋo, kari tanjaŋo tili luuloo la, kee kiliŋ ne naata n kaŋ meŋ kanata naŋ Yerusalaamu, a ko n ye ko, “Yerusalaamu saatewo kasaarata le.”

3 Musa 26:17

M be ali kiitindi la le. Ali jawoolu be kali ali busa la le, ka ali noo. Moolu mennu ye ali koŋ, wolu le be ali mara la. Ali be kali bori la le, hani niŋ moo maŋ tara ali bayindi kaŋ.

3 Musa 26:36

Toomaalu mennu be tu la ali kono ali jawoolu la bankoo kaŋ, m be jooteeyaa le duŋ na wolu sondomoolu kono, ali jawoolu ye. Hani niŋ foñoo le ye jamboo tindi, a maakaŋo si ali borindi komeŋ keleborilaa, aduŋ ali si busandi, a ye a tara moo maŋ ali bayindi.

Jakariya 8:19

Yaawe Alihawaa Maariyo ye ñiŋ ne fo ko: Ali ka luŋolu mennu suŋ saŋo kari naaninjaŋo, kari luulunjaŋo, kari woorowulanjaŋo, aniŋ kari tanjaŋo la, wolu be ke la seewoo niŋ kontaani waatoo le ti, ka ke Yahuuda moolu ye juurali luŋolu ti. Wo to ali tooñaa niŋ kayiroo kanu.

5 Musa 28:25

Yaawe be a ke la le ali jawoolu ye ali noo. Ali be naa la ì kaŋ sila kiliŋ ne la, bari ali boritoo be janjaŋ na le. Ali la kuwo si ke duniyaa mansamarali bankoolu bee ye masilaŋo ti.

5 Musa 32:30

Moo kiliŋo, wo si moo wuli kiliŋ bayi noo ñaadii le, moo fula ye wuliwuloolu borindi, fo niŋ Yaawe, ì la semberaŋ beroo bota ì koto, a ye ì duŋ ì jawoolu bulu?