2 Mansoolu 25:29 - Mandinka Bible

²⁹ Yehoyahini ye a la bunjawu dendikoolu faliŋ, aduŋ a ka domoroo ke mansa la domoridulaa le to, a baluu tili toomaa bee la.

2 Mansoolu 25:29 Mawu Ofanana

1 Musa 41:14

Wo le to Firawoona ye kiilaa kii Yusufa nooma. Ì ye a ñaamootoo fintindi naŋ bunjawoo kono. Kabiriŋ a ye i lii, a ye a la duŋ feŋolu faliŋ. A naata Firawoona ñaatiliŋo la.

1 Musa 41:42

A ye tampurilaŋ konnaa bo a bulukondiŋo to, a ye a duŋ Yusufa buloo to. A ye daari faani dendika baa duŋ a la, a ye sani kantotaa duŋ a kaŋo la.

2 Samuweli 9:7

Dawuda ko a ye ko, “Kana sila, kaatu m be beteyaa le yitandi la i la i faamaa Yonatani la kuwo kamma la. M be senebankoolu bee seyindi la i la le, meŋ keta i mamakewo Sawulu taa ti, aduŋ waati-wo-waati n niŋ i be domoroo ke la ñoo kaŋ ne.”

1 Mansoolu 2:7

“Bari i si beteyaa Baasillayi Kileyadinkoo dinkewolu fee, aduŋ ì si tara moolu kono mennu be domoroo ke la i yaa. Ì ye m maakoyi le kabiriŋ m be bori kaŋ i kotoomaa Abusalomu la.

2 Mansoolu 24:12

Bituŋ Yahuuda mansa Yehoyahini ye a faŋ seyi Babiloni mansa ma, a niŋ a baamaa, a la dookuulaalu, a la kelediŋ kuntiyolu, aniŋ a la ñaatonkoolu. Babiloni mansa la mansayaa sanji seyinjaŋo kono le, a ye Yehoyahini muta.

Esita 4:4

Kabiriŋ Esita la dookuulaa sunkutoolu niŋ a la dookuulaalu naata Moridekayi la kumoo fo a ye, wo kuwo ye a niyo toora baake le. A ye dendikoolu kii a ye, a be mennu duŋ na ka booto funtoo bondi, bari a maŋ soŋ ì muta la.

Esita 8:15

Moridekayi bota mansa ñaatiliŋo la, aniŋ mansa dendikoo meŋ kulooroolu mu buluuriŋo niŋ koyimaa ti, sani naafa baa, aniŋ kotondi dendika baa meŋ mu wuluyeloo ti. Susa saatee moolu wuurita, ì niŋ jusulaa.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

Yeremiya 22:26

I niŋ i baamaa meŋ ye i wuluu, m be ali fayi la banku koteŋ ne kaŋ, ali doodoo maŋ wuluu daameŋ to. Ali be faa la wo le to.

Yeremiya 52:33

Yehoyahini ye a la bunjawu dendikoolu faliŋ, aduŋ a ka domoroo ke mansa la domoridulaa le to, a baluu tili toomaa bee la.

Jakariya 3:4

Mennu be looriŋ a ñaatiliŋo la, malaayikoo ko wolu ye ko, “Ali a la sitifeŋ nooriŋolu wura a la.” A ko Yosuwa ye ko, “A fele, ŋa i la junuboolu bondi, m be feŋ senuŋolu le duŋ na i la.”

Luka 15:22

Bari a faamaa ko a la dookuulaalu ye le ko, ‘Ali i tariyaa, ali ye dendika ñiimaa duŋ a la. Ali si konnaa fanaa duŋ a bulukondiŋo to. Ali ye samatoolu fanaa duŋ a siŋolu to.