2 Mansoolu 23:7 - Mandinka Bible

⁷ A ye laañooyaa tulunnaa kewolu fanaa la sabatidulaa buŋolu boyi, mennu be Yaawe Batudulaa Buŋo daala. Musoolu ka Asera jalaŋ duŋ feŋolu soo wo dulaa le to.

2 Mansoolu 23:7 Mawu Ofanana

1 Mansoolu 14:24

Cakoolu mennu ka tara batudulaa tintiŋolu* to, wolu fanaa tarata bankoo kaŋ ne. Moolu tarata kuu haraamuriŋolu le ke kaŋ, bankoo moolu ka mennu ke nuŋ, Yaawe ye mennu bayi nuŋ ka ì fintindi Banisirayilankoolu ye.

1 Mansoolu 15:12

A ye moolu bee bayi bankoo kaŋ mennu ka laañooyaa tuluŋo ke batudulaa tintiŋolu* to, aduŋ a ye jalaŋolu bee le bondi, a mumuñolu ye mennu dadaa.

1 Mansoolu 22:46

Hani batudulaa tintiŋolu to cakoolu mennu too tuta kabiriŋ a faamaa Asa la maraloo waatoo la, a ye ì bee bayi bankoo kaŋ ne.

2 Taarika 34:33

Mansa Yosiya ye jalaŋolu bee bondi Banisirayila tundoolu bee le to, aduŋ a ye a ke, moolu mennu be Banisirayila ka Yaawe batu, ì la Alla. A baluu tiloo bee, ì maŋ ì koo dii Yaawe batoo la, ì mumuñolu la Alla.

Esekiyeli 16:16

I ye i la duŋ feŋolu le faŋo taa ka wo jalaŋ batudulaa tintiŋolu* ñarandi ì la, i ka i la cakayaa kuwolu taamandi daamennu to. Ñiŋ kuu siifaa maŋ ñaŋ na ke la muumeeke.

Esekiyeli 8:14

Bituŋ a naata n samba dundaŋ daa to meŋ be Yaawe Batudulaa Buŋo* maraa karoo la. Ŋa musoolu le tara siiriŋ jee, ì be jalaŋ Tammusi le saŋakumboo kaŋ.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

Hoseya 4:13

Ì ka beeyaŋ sadaalu bo konko baalu kaŋ santo, konkoriŋolu kaŋ, ì ka cuuraayoo siisindi sadaa ti, yirisuŋ baalu niŋ yirisuŋ biireeriŋolu fanaa koto, kaatu wolu le ye dubeŋ kendoo soto. “Wo le ye a tinna ali dimmusoolu keta cakoolu ti, ali diŋolu la musoolu, jeenelaalu.

Hoseya 4:14

N te ali dimmusoolu jarabi la, niŋ ì ye cakayaa ke, n te feŋ ke la ali bitammusoolu fanaa la, niŋ ì ye jeenoo ke. Kaatu kewolu faŋo le niŋ jalaŋ batudulaa cakoolu ka taa kara la, ì niŋ ì ka beeyaŋ sadaalu bo jalaŋ batudulaa to. Hakilintaŋolu ka kasaara teŋ ne.

4 Musa 25:1

Banisirayilankoolu la sabatoo waatoo la Sitimu, kewolu ye a dati le ì niŋ Mowabi musoolu ka laañooyaa tuluŋo ke.

5 Musa 23:17

Banisirayilanka musu waraŋ kee maŋ ñaŋ na ke la batudulaa cakoo ti.