2 Mansoolu 22:13 - Mandinka Bible

¹³ “Ali taa Yaawe ñininkaa n ye, moolu ye, aniŋ Yahuuda bee, ñiŋ kitaaboo kumoolu la kuwo to, meŋ jeta teŋ. Kaatu Yaawe la kamfaa warata ǹ kamma le, kaatu m̀ mumuñolu maŋ kitaaboo ñiŋ kumoolu muta, mennu bee safeeta a kono ǹ na kuwo to.”

2 Mansoolu 22:13 Mawu Ofanana

2 Mansoolu 23:26

Bari wo ñaa-wo-ñaa Yaawe tuta kamfaariŋ baake Yahuuda moolu kamma le, kaatu Mansa Manase ye kuu jawu jamaa le ke ka Yaawe kamfandi. Wo le ye a tinna a maŋ a la kamfaa fijoo bo Yahuuda moolu kaŋ.

2 Mansoolu 3:11

Bari Yehosafati ko a ye ko, “Fo Yaawe la annabiyomoo te jaŋ baŋ, ǹ si a la yaamaroo ñini meŋ bulu?” Banisirayila kelediŋ ñaatonkoo doo ko, “Safati dinkewo Elisa be jaŋ ne, Eliya la maakoyirilaa.”

2 Taarika 29:6

M̀ mumuñolu maŋ foroyaa Yaawe, ǹ na Alla ma. Ì ye meŋ ke, a jawuyaata a ñaa koto le, ì ye ì koo dii a la, ì ye i ñaa kaasi a taradulaa la.

2 Taarika 34:21

“Ali taa Yaawe ñininkaa n niŋ moo toomaalu ye, mennu tuta Banisirayila niŋ Yahuuda, kitaaboo kumakaŋolu la meŋ jeta teŋ. Yaawe la kamfaa warata ǹ kamma le, kaatu m̀ mumuñolu maŋ Yaawe la kumoo muta ka kuwolu bee ke, ko a be safeeriŋ ñiŋ kitaaboo kono ñaameŋ.”

Nehemiya 9:3

Ì be daameŋ, ì loota wo le to ka karaŋo ke ka bo Yaawe*, ì la Alla la Luwaa Kitaaboo* kono. Ì ye tiloo waati saba le ke karaŋo la, bituŋ waati saba doo, ì ye wo ke ì la junuboolu yitandoo le ti, aniŋ ka Yaawe, ì la Alla batu.

Jabuuroolu 106:6

Ntolu ye junuboo ke le komeŋ ǹ na alifaa foloolu, ŋà kuu kuruŋolu le ke, ŋà kuu jawoolu le ke.

Jabuuroolu 25:14

Moolu mennu ye Yaawe kuliyaa, wolu le mu a la jiki moolu ti, aduŋ a ka a la kambeŋo koyindi ì ma le.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Jabuuroolu 76:8

I ye i la kiitindiroo taamandi le ka bo naŋ Arijana kono, duniyaa moolu bee le silata fo deyoo keta yem,

2 Musa 20:5

Ali kana sujudi ì ye, waraŋ ka ì batu, kaatu nte Yaawe i la Alla kiiliyaata le. N ka dindiŋolu jarabi ì la alifaalu la junuboo la le, ka taa fo ì la jamaani sabanjaŋo niŋ naaninjaŋo moolu, mennu ye n koŋ.

Kuma Kotoomaalu 3:6

Niŋ i be sila-wo-sila taama la, i si soŋ a ma, a be i londi la sila tilindiŋo le kaŋ.

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yeremiya 16:12

Itolu fanaa naata meŋ ke, wo le jawuyaata ì la alifaa foloolu taa ti. A juubee baŋ, ì kiliŋ-kiliŋ naa ka bula ì la sondome jaa niŋ ì la kuruŋyaa le nooma, ì maŋ soŋ i lamoyi la nte ma.

Yeremiya 36:7

A si ke, ì ye woosii Yaawe ye ka a daani, moo-wo-moo ye yelema ka bo a la sila kuruŋo kaŋ, ka daaniri ke Yaawe la balafaa la. Kaatu ko, Yaawe ye jusukandoo niŋ kamfaa meŋ ke ñiŋ moolu kamma, a warabaata le.”

Yeremiya 37:17

Mansa Sedekiya naata kiilaa kii, ì ye n samba a ye naŋ a la mansasuwo kono. Jee to, a ye n kullootoo ñininkaa ko, “Fo i ye kuma le soto Yaawe bulu baŋ?” Ŋa a jaabi ko, “Haa, ŋa kumoo soto le.” N tententa ka a fo a ye ko, “I be duŋ na Babiloni mansakewo bulu le.”

Yeremiya 44:17

Bari m̀ be kuu-wo-kuu ke la le ŋa meŋ tawoo taa. M̀ be cuuraayoo siisindi la Saŋo Santo Musumansoo* ye le, ŋà miŋ feŋ sadaalu* boŋ ko ǹ dalita a la ñaameŋ, ǹ niŋ ǹ na alifaa foloolu kafuriŋo, ǹ na mansoolu, aniŋ ǹ na maralilaalu, Yahuuda saatewolu kono taariŋ, aniŋ Yerusalaamu mbeedoolu kaŋ. Wo waatoo la ŋà domoroo jamaa soto le, m̀ firinta, aduŋ ǹ ñaa maŋ kasaara kuu je.

Niikuyaa Suukuwolu 5:7

Ǹ na alifaa foloolu ye junuboo ke, ì te keriŋ kotenke, silaŋ ntolu le ye ì la kuu kuruŋolu dunoo taa.

Daniyeli 9:10

Yaawe ǹ na Alla, ntolu maŋ i la kumoo muta, aduŋ m̀ maŋ soŋ ka bula i la luwaalu nooma, i ye mennu dii ǹ na ka bo niŋ i la annabiyomoolu la.

3 Musa 26:14

Yaawe naata a fo ko: Niŋ ali maŋ paree i lamoyi la n na, ali ye ñiŋ yaamaroolu bee muta,

Amosi 3:7

A be koyiriŋ ne lewu ko, Maarii Yaawe buka kuu ke, a ye a tara a maŋ a lankenemayandi a la dookuulaalu, annabiyomoolu ye.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Roomankoolu 3:20

Kaatu ka Luwaa la yaamaroolu muta, wo te moo-wo-moo tilindi noo la Alla ñaatiliŋo la. Luwaa ka a yitandi le, junuboo mu meŋ ti.

Roomankoolu 4:15

Kaatu Luwaa ka Alla la kamfaa le samba naŋ, bari luwaa maŋ tara daameŋ, luwaa tiñaa buka tara wo to.

Roomankoolu 7:9

M be baluuriŋ ne nuŋ luwaa kooma, bari kabiriŋ yaamaroo naata doroŋ, junuboo wulita, bituŋ m faata.

5 Musa 27:26

Dankoo be moo ye meŋ ye ñiŋ luwaalu la kumakaŋo soosoo, a balanta ka baara ì la. Bituŋ moolu bee si a fo ko: Amiin.

Lankenemoo 6:17

Ì la kamfaa luŋ baa naata le, jumaa le si loo noo a ñaato?”