2 Mansoolu 21:15 - Mandinka Bible

¹⁵ A be ñiŋ ke la le kaatu ì ye kuu jawoo le ke a ñaa koto, aduŋ ì ye a kamfandi le, ka bo luŋo meŋ na ì mumuñolu bota naŋ Misira ka naa bula bii la.”

2 Mansoolu 21:15 Mawu Ofanana

2 Mansoolu 21:14

Moo toomaalu mennu be tu la a la moolu kono, a be a koo dii la ì la le, a ye ì duŋ ì jawoolu bulu. Ì be ke la ì jawoolu bee ye le komeŋ ñapinkaŋ feŋo, aniŋ fuufuuri feŋo.

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Yeremiya 15:4

M be ì la kuwo ke la duniyaa mansamarali bankoolu bee ye masilaŋo le ti, Hesekiya dinkewo Manase kekuwo kaŋ, biriŋ a keta Yahuuda mansa ti Yerusalaamu saatewo kono.”

Yeremiya 25:7

Bari ali balanta le ka i lamoyi a la.” Yaawe ye ñiŋ fo ko: “Ali ye n kamfandi niŋ jalambatoo le la, aduŋ ali ye ali faŋolu le mantoora ka bo ali ye meŋ ke.”

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Esekiyeli 20:13

“Bari Banisirayilankoolu muritita m ma keñewuloo kono le. Ì maŋ soŋ ka n na luwaalu muta, ì ye ì koo dii n na yaamaroolu la, mennu si ì balundi noo. Ì maŋ n na Loobula Luŋo fanaa horoma muumeeke. Wo to le m pareeta ka n na kamfaa baa jindi naŋ ì kaŋ ka ì kasaara wo keñewuloo kono.

Esekiyeli 20:21

“Bari ì diŋolu fanaa muritita m ma le. Ì maŋ soŋ bula la n na saratoolu nooma waraŋ ka ì hakiloolu tu n na yaamaroolu to, fo ì si baluu noo. Aduŋ ì maŋ ì hakiloolu tu n na Loobula Luŋolu to ka ì horoma. Wo to le m pareeta ka n na kamfaa bee jindi naŋ ì kaŋ, ka ì mantoora keñewuloo kono jee.

Esekiyeli 20:30

“Wo kamma la, a fo Banisirayilankoolu ye, nte Yaawe, ì Maariyo ye ñiŋ ne fo ko: Muŋ ne ye a tinna alitolu be ali faŋ kosondi la ko ali mumuñolu ye a ke nuŋ ñaameŋ niŋ ì la jalaŋ haraamuriŋolu la?

Esekiyeli 20:4

“Ite hadamadiŋo, i faŋo ye ì kiitindi ka ì hakiloolu bulandi ì mumuñolu ye kuu haraamuriŋolu mennu ke,

Esekiyeli 23:3

Kabiriŋ ì menta, ì ye cakayaa ke Misira bankoo kaŋ, ì ye ì sunjoolu moomoo jee le to, ì naata ì londi keekuwo la.

Daniyeli 9:15

Ite m̀ Maarii Alla le ye i la moolu bondi naŋ Misira bankoo kaŋ niŋ i la semboo la, aduŋ wo ye a tinna le i too bota, fo ka naa bula bii la. Bari ntolu ye junuboo ke le, ŋà kuu jawoo ke.

5 Musa 31:27

Kaatu ŋa a loŋ ne ali kuŋo jaata ñaameŋ, aniŋ ali mu balannaalu ti ñaameŋ. M be ali fee ñaa-wo-ñaa, ali balanta Yaawe ma, sako niŋ n te baluwo to.

5 Musa 31:29

Ŋa a loŋ ne ko, niŋ m faata, ali be kuu kuruŋolu le ke la, ali be ali koo dii la siloo la le, ŋa ali yaamari meŋ na. Waatoo be naa le, mantooroo be laa la ali kaŋ, kaatu ali be kuu jawoolu le ke la Yaawe ñaa koto. Ali kebaaroolu be a kamfandijawu la le.”

5 Musa 9:21

Wo to le ŋa wo feŋ haraamuriŋo taa, meŋ keta wo jalaŋo ti ali ye ninsituuraariŋo muluŋo meŋ tunkaŋ, ŋa a fayi dimbaa kono. N naata a kuntuŋ-kuntuŋ, ŋa a juru fo a keta munkoo ti. Ŋa wo munkoo taa, ka a fayi boloŋo kono meŋ jiyo ka woyi ka bo naŋ konkoo to.