2 Mansoolu 19:9 - Mandinka Bible

⁹ Ì ye kibaaroo le fo Asiriya mansa ye ko, Mansa Tirihaka, Kusinkoo*, be siloo kaŋ ne ka naa keloo boyi a kaŋ. Bituŋ a ye kiilaalu kii Yahuuda mansa Hesekiya kaŋ kotenke.

2 Mansoolu 19:9 Mawu Ofanana

1 Mansoolu 20:2

A ye kiilaalu kii saatewo kono ka taa Ahabu kaŋ, Banisirayila mansa, ka a fo ko, “Beni-Hadadi ye ñiŋ ne fo ko,

2 Mansoolu 18:17

Asiriya mansa ye a la kuntii baa saba Taritani, Rabusarisi, aniŋ Rabusake kii, ì niŋ kelediŋ kafu baa ka bo naŋ Lakisi ka taa Hesekiya kaŋ Yerusalaamu. Ì wulita ka naa Yerusalaamu, aduŋ kabiriŋ ì futata, ì loota siloo to jiibori dinkoo maafaŋo la, meŋ ka woyi naŋ ka bo santo daloo to ka taa Kuuru Dulaa.

2 Mansoolu 19:10

A ko ì si a fo a ye ko, a kana soŋ a la Alla ye a neenee, a be jikiriŋ meŋ na. Hesekiya kana laa a la niŋ a ko, Yerusalaamu te duŋ na Asiriya mansa bulu.

2 Mansoolu 19:8

Kelediŋ kuntiyo ñiŋ ye a moyi ko Asiriya mansa bota Lakisi saatewo to le. Wo le to a muruta, aduŋ a ye a tara mansa be Libuna saatewo kele kaŋ.

Yesaya 18:1

Kooni, wo bankoo, meŋ na basakuluŋolu be tariyaariŋ, meŋ be Kusi* boloŋolu kankuŋ doo la,

Yesaya 37:9

Saayiŋ ì ye kibaaroo le fo Asiriya mansa ye ko, Mansa Tirihaka, Kusinkoo*, be siloo kaŋ ne ka naa keloo boyi a kaŋ. Kabiriŋ a ye wo moyi, a ye kiilaalu kii Yahuuda mansa Hesekiya kaŋ.

1 Samuweli 23:27

kiilaa doo naata Sawulu yaa, a ko, “Ali naa tariyaake, Filisitinkoolu be boyi kaŋ banku moolu kaŋ ne, ka ì la feŋolu buusi ì la.”