2 Mansoolu 19:28 - Mandinka Bible

²⁸ Baawo Sennakeribu kamfaata nte le kamma, aduŋ ŋa a la faŋ waroo moyi le, m be n na dooliŋo le duŋ na a nuŋo la, ŋa karafewo bula a daa la. M be a murundi la siloo le la, a naata meŋ na.”

2 Mansoolu 19:28 Mawu Ofanana

2 Mansoolu 19:33

A naata siloo meŋ na a be muru la wo le la. A te duŋ na ñiŋ saatewo kono. Yaawe le ye a fo.

2 Mansoolu 19:7

I lamoyi, Yaawe be silaŋo le dundi la a la. Niŋ wo keta, a be kibaaroo le moyi la, aduŋ a be muru la a fansuŋ bankoo kaŋ ne. Wo to le ate Yaawe be a tinna la ì ye a faa niŋ hawusaroo* la.”

Yuuba 41:13

Jumaa le si haañi, i ye a balafatoo wura? Jumaa le si a soo noo? A be bambandiŋ ne ko newo.

Yuuba 41:2

Fo i si juloo duŋ noo a nuŋ huwo la baŋ, waraŋ ka a ŋaaŋaa soo dooliŋo la?

Jabuuroolu 32:9

Kana ke ko suwoo waraŋ bahalewo*, hakili te meŋ na. Karafewo niŋ juloo le ka a manankuŋ noo, niŋ wo nte, a te soŋ na i ye.”

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

Jabuuroolu 65:7

I ye fankaasoolu la bumbuŋo tenkundi le, aniŋ ì jiibaliŋolu maakaŋo, i ye banku koteŋ moolu la maakaŋ baa tenkundi le.

Jabuuroolu 7:6

Hee Yaawe, wuli i la kamfaa kaŋ, i ye loo n jawoolu kamma, ì niŋ ì la jusukandoo. N na Alla, maamaŋ. Ite ye kiitiiteyi koyiriŋo le kaniŋ.

Jabuuroolu 74:23

Kana i jawoolu tu ì la kibiroo kaŋ, ì ka tu wuuroolu mennu ke la i kamma.

Jabuuroolu 74:4

I jawoolu ye wuuroo kumandi i Batudulaa Senuŋo kono le. Ì ye ì la bandeeroolu londi jee le,

Jabuuroolu 83:2

Kaatu a fele, i jawoolu be maamaŋ kaŋ ne, wolu mennu ye i koŋ, ì kumbenta le,

Yesaya 30:28

A niijii foñoo ka munta le ko waamoo meŋ futata kaŋo to. A ka bankoolu tenteŋ kasaara tamewo le kono. A ka karafee juloo bula moolu ŋaaŋaa la ka ì filindi.

Esekiyeli 19:9

Ì ye a kuruntu niŋ dooliŋo la, ka a dundi daafeŋ buŋo kono jee, ka a samba Babiloni mansa yaa. Ì ye a soroŋ buŋ jawoo kono. Bituŋ moo maŋ naa a bumbuŋ kaŋo moyi kotenke, Banisirayila konkoolu kaŋ.

Esekiyeli 29:4

Nte Yaawe be dooliŋolu le bula la i ŋaaŋaa daa, ŋa ñewolu sekindi i fatoolu bala wo baa kono. Ŋa naa i kuruntu naŋ tintoo to, i niŋ wo ñewolu mennu bee bota Nayili Boloŋo kono naŋ, aniŋ ì be sekiriŋ i fatoolu bala,

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”

Esekiyeli 38:4

M be i murundi la i koo le la, ŋa dooliŋo bula i ŋaaŋaa daa ka i kuruntu, i niŋ i la kelediŋolu, aniŋ suwoolu niŋ suuborindilaalu muumee bee, mennu bee be pareeriŋ, ì niŋ ì la kelejooraŋolu. Ì mu kafu baa le ti, ì niŋ ì la koteerindiŋolu* niŋ koteeri baalu, ì bee niŋ ì la hawusaroolu*.

Amosi 4:2

Maarii Yaawe* kalita a faŋo too senuŋo la, a ko, “Luŋo be naa ali kaŋ, meŋ te baayi la muk. Luŋo meŋ, ì be juloo duŋ na ali nuŋolu la, ì ye ali tambindi. Ali bee si ke ko niŋ ñewo be dooliŋo daa.

Luka 6:11

Bari ì kamfaata baake, ì diyaamuta ñoo ye, ì be meŋ ke la Yeesu la.

Yohana 15:18

“Niŋ duniyaa ye ali koŋ, ali si a loŋ ko, a ye nte le foloo koŋ.

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.