2 Mansoolu 19:25 - Mandinka Bible

²⁵ “Fo Sennakeribu maŋ a moyi baŋ ko, nte Yaawe le ye a kuwo londi waati jaŋ koomanto? Ŋa a feeroo landi le biriŋ juuna, ŋa meŋ timmandi teŋ saayiŋ, Sennakeribu ye saatee tatariŋolu ke tumbuŋolu ti.

2 Mansoolu 19:25 Mawu Ofanana

Jabuuroolu 33:11

Bari Yaawe la feeroolu be tu la looriŋ ne fo fawu. A la natoolu be taama la le fo abadaa.

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 45:8

“Alitolu saŋ fatoolu ali tiliŋo samaamaa jindi naŋ, tawaloo ye a naati tariyaake. Bankoo ye yele fo kiisoo si finti naŋ, tiliŋo ye bula a nooma. Nte Yaawe le ye ì daa.”

Yesaya 54:16

“A juubee, nte le ye neefiŋ numoo daa, meŋ ka keñemboo fee a ye mala, ka jooraŋo dadaa ka keloo ke. Aduŋ nte le ye tiñaarilaa daa, ka tiñaaroo ke.

Mika 1:6

Wo to Yaawe ko, “M be Samariya ke la tumbuŋo le ti, kene kenseŋo. Jee ye ke wayini* yiri tutudulaa ti. M be a beroolu fayi la wulumbaŋolu le kono, ŋa a kenseŋyandi fo a fondamaŋolu to.