2 Mansoolu 19:22 - Mandinka Bible

²² Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

2 Mansoolu 19:22 Mawu Ofanana

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

2 Mansoolu 19:6

a ye ñiŋ jaabiroo murundi a kaŋ ko, “Yaawe ko a kana sila kuwo la a ye meŋ moyi. A kana sila kumakaŋolu la Asiriya mansa la dookuulaalu ye mennu fo ka ate Yaawe sooki.

Jabuuroolu 71:22

Kooni Alla, wo to le m be i jayi la niŋ kooraa la, kaatu i tilinta le. M be suukuwo laa la le ka i jayi niŋ kontiŋo la, ite Banisirayila la Senuŋ Baa.

Jabuuroolu 73:9

Ì ka ì daa tiliŋ santo le ka Alla sooki, aduŋ ì ka ŋaañaa ì neŋo la taariŋ, duniyaa moolu kono.

Jabuuroolu 78:41

Ì ye a kotobo le, ì ye a seyinkaŋ-seyinkaŋ, ka Banisirayila la Senuŋ Baa kamfandi.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

2 Musa 9:17

Hani saayiŋ, i ye i faŋ wara, i be balandiŋ ka n na moolu bula ì ye taa.

Kuma Kotoomaalu 30:13

Doolu be jee, mennu ka ì faŋo wara, aniŋ mennu ka jutu moolu la.

Yesaya 10:13

Kaatu mansa ko le ko: “Ŋa a ke m bulu sembemaa le la, aniŋ ka bo n na ñaameŋo la, kaatu ŋa fahaamuroo soto le. Ŋa bankoolu la naanewolu bondi le, ŋa ì la naafuloolu kasaara. N keta le ko tuuraa saŋarariŋo, ŋa ì la mansoolu bee dimbaa faa.

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yesaya 30:15

Maarii Yaawe, Banisirayila la Senuŋ Baa ye ñiŋ ne fo ko, “Niŋ ali tuubita ali ye tenkuŋ, wo le mu ali la kiisoo ti. Niŋ ali naata n kaŋ tenkuŋo kono, ali ye lannoo soto, wo le be ke la ali la semboo ti.” Bari ali maŋ soŋ.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Daniyeli 8:11

A ye a la faŋ waroo tiliŋ hani kafoo la Mansa faŋo la le. A ye luŋ-wo-luŋ sadaa* la kuwo faliŋ ne, ka a bondi a be looriŋ nuŋ ñaameŋ, a ye Alla Batudulaa Buŋo* kosondi,

2 Korintinkoolu 10:5

aniŋ faŋ waroo siifaa bee, mennu si ke kalewo ti moolu ye ka Alla loŋ. Ǹ ka moolu la miira jawoolu bayi le fo ì si Kiristu batu.

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.