2 Mansoolu 17:7 - Mandinka Bible

⁷ Ñiŋ kuwo bee keta le kaatu Banisirayilankoolu ye junube kuwo le ke Yaawe la, ì la Alla meŋ ye ì bondi Misira mansa Firawoona bulu. A ye ì samba naŋ ne ka bo naŋ Misira bankoo kaŋ. Ì ye alla koteŋolu le batu,

2 Mansoolu 17:7 Mawu Ofanana

1 Mansoolu 11:4

Kabiriŋ Sulemani be kotoo kaŋ, a la musoolu ye a sondomoo yelemandi jalaŋolu kaŋ, aduŋ a sondomoo maŋ loo ka bambaŋ Yaawe a la Alla kaŋ, ko a faamaa Dawuda sondomoo tarata nuŋ ñaameŋ.

1 Mansoolu 15:3

Abiyamu ye junuboolu bee ke le a faamaa ye mennu ke janniŋ ate la waatoo ka sii, aduŋ a sondomoo muumewo bee maŋ loo Yaawe* a la Alla kaŋ, komeŋ a mumu Dawuda sondomoo tarata nuŋ ñaameŋ.

2 Mansoolu 16:2

Ahasi siyo be sanji muwaŋ ne kabiriŋ a be ke la mansa ti. A ye maraloo ke Yerusalaamu kono le fo sanji taŋ niŋ wooro. A maŋ baara kuu betoo la Yaawe* ñaa koto, a la Alla, komeŋ a bonsuŋ Dawuda ye a ke ñaameŋ.

2 Mansoolu 17:35

Yaawe ye kambeŋo le siti a niŋ ì teema, a ko ì ye le ko, ì kana alla koteŋolu batu. Ì kana sujudi ì ye, ka ì batu waraŋ ka sadaalu bondi ì ye.

1 Taarika 5:25

Bari ì balanta ì la moo foloolu la Alla ma le, ì ye ì faŋ ke ko cakoolu ka wo bankoo moolu la jalaŋolu batu, Alla ye bankoo moolu mennu kasaara ì ñaato.

2 Taarika 36:5

Yehoyakimu siyo be nuŋ sanji muwaŋ niŋ luulu le, biriŋ a be ke la mansa ti. A ye sanji taŋ niŋ kiliŋ ne ke maraloo la Yerusalaamu. A baarata kuu jawoo le la Yaawe ñaa koto, a la Alla.

Nehemiya 9:26

“Bari ì balanta, aduŋ ì ye i soosoo le, ì ye ì koo dii i la luwaa la. Ì ye i la annabiyomoolu faa le, mennu ye ì dandalaa, fo ì si muru i kaŋ, aduŋ ì ye sookiri baalu le ke.

Jabuuroolu 78:12

Ì mumuñolu ye a je le a ye kaawakuwolu mennu ke Sowani kene fanuŋolu kono, Misira bankoo kaŋ.

2 Musa 20:2

Nte le mu Yaawe* ali la Alla ti, meŋ ye ali bondi naŋ joŋyaa kono Misira.

Yesaya 57:5

Ali ka tara jarabiriŋ jalaŋolu le nooma, yiri baalu niŋ yiri biireeriŋolu koto. Ali ka ali diŋolu kanateyi le ka ke sadaalu* ti, wulumbaŋolu niŋ berehuwolu kono.

Yeremiya 10:5

Ì la jalaŋolu ka munta le juburulaŋo kunku buloolu to, ì buka diyaamu noo fereŋ. Fo niŋ moo ye ì sika ka ì samba, ì buka taama noo. Ali kana sila ì la, kaatu ì buka kuu jawu ke noo moo la, sako kuu kende.”

Esekiyeli 39:24

Ŋa n koo dii ì la le, ŋa ì kuluu ì la kuu jawu kewo niŋ ì la seneyaabaliyaa bee kaŋ.”

Hoseya 12:14

Bari Efurayimu ye a Maarii Alla kamfandi jawuke le, a be a la yeleboŋo dunoo laa la a faŋo kuŋo le to, a be a joo la a la nendiroo la le.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

Hoseya 4:13

Ì ka beeyaŋ sadaalu bo konko baalu kaŋ santo, konkoriŋolu kaŋ, ì ka cuuraayoo siisindi sadaa ti, yirisuŋ baalu niŋ yirisuŋ biireeriŋolu fanaa koto, kaatu wolu le ye dubeŋ kendoo soto. “Wo le ye a tinna ali dimmusoolu keta cakoolu ti, ali diŋolu la musoolu, jeenelaalu.

5 Musa 31:29

Ŋa a loŋ ne ko, niŋ m faata, ali be kuu kuruŋolu le ke la, ali be ali koo dii la siloo la le, ŋa ali yaamari meŋ na. Waatoo be naa le, mantooroo be laa la ali kaŋ, kaatu ali be kuu jawoolu le ke la Yaawe ñaa koto. Ali kebaaroolu be a kamfandijawu la le.”

Yosuwa 23:16

Yaawe ali la Alla niŋ ali ye kambeŋo le siti, aduŋ a ye ali yaamari le ka a nooma. Wo kamma la ali kana alla koteŋ batu, waraŋ ka sujudi a ye. Niŋ ali ye a ke, Yaawe be kamfaabaa la ali kamma le, aduŋ a te mee la, ali be bo la ñiŋ banku betoo kaŋ, a ye meŋ dii ali la.

Kiitindirilaalu 6:10

N ko ali ye ko, ‘Nte le mu Yaawe ti, ali la Alla. Ali kana Amorinkoolu la alloolu batu, ali be sabatiriŋ mennu la bankoo kaŋ teŋ.’ Bari ali maŋ n na kumoo moyi.”