2 Mansoolu 17:23 - Mandinka Bible

²³ fo labaŋo la Yaawe ye ì bayi ka bo a ñaatiliŋo la, ko a ye ì dandalaa ñaameŋ ko a be wo le ke la, ka bo niŋ a la dookuulaalu la, annabiyomoolu. Bituŋ Banisirayilankoolu naata taa mutoo kono Asiriya bankoo kaŋ, ì tarata daameŋ ka naa bula bii la.

2 Mansoolu 17:23 Mawu Ofanana

1 Mansoolu 13:2

A sarita santo ka sadaabodulaa ñiŋ jalayi niŋ Yaawe la kumoo la ka a fo ko, “Ite sadaabodulaa, ite sadaabodulaa! Yaawe ye ñiŋ ne fo ko, dinkewo meŋ too be ke la Yosiya ti, be wuluu la Dawuda la dimbaayaa le kono. Jalaŋ batudulaalu piriisoolu* mennu ka sadaaboo ke jaŋ saayiŋ, a be wolu bondi la i kaŋ sadaa ti le, aduŋ moo kuloolu be jani la i kaŋ ne.”

1 Mansoolu 14:16

Aduŋ a be a koo dii la Banisirayila la le junuboolu kamma la, Yerobowamu ye mennu ke, aniŋ a ye a tinna Banisirayila ye ì ke.”

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

2 Mansoolu 13:23

Bari Yaawe hiinanteeyaata le, aduŋ a ye balafaa soto Banisirayilankoolu ye le, a muruta ì kaŋ a la kambeŋo kamma la meŋ be a niŋ Iburayima, Isiyaaka, aniŋ Yaakuba teema. Ka naa bula fo saayiŋ na, a maŋ lafi ka ì kasaara waraŋ ka ì bayi ka bo a ñaatiliŋo la.

2 Mansoolu 17:13

Yaawe ye Banisirayila niŋ Yahuuda dandalaa le kendeke, ka bo niŋ annabiyomoolu niŋ kiilaariyaamoolu bee la, Alla la dookuulaalu. A ye ñiŋ ne fo ì ye ko, ì si yelema ka bo ì la sila kuruŋolu kaŋ. Ì si a la yaamaroolu niŋ luwaalu muta ko a be a la Luwaa Kitaaboo* muumewo kono ñaameŋ, a ye ì mumuñolu yaamari meŋ na, ka a muta. Aduŋ a ye wo luwaa kiliŋo le dii ì fanaa la ka bo niŋ a la dookuulaalu la, annabiyomoolu.

2 Mansoolu 17:18

Wo ye a tinna Yaawe kamfaata baake Banisirayilankoolu kamma, bituŋ a ye ì bondi a ñaatiliŋo la. Yahuuda lasiloo doroŋ ne tuta jee.

2 Mansoolu 17:20

Bituŋ Yaawe ye a koo dii Banisirayilankoolu bee la. A ye ì jarabi, aduŋ a ye ì duŋ ñapinkannaalu bulu, fo a ye ì bayi ka bo a ñaatiliŋo la.

2 Mansoolu 17:22

Ì tuta baara la Yerobowamu la junube kuwolu bee le la. Ì maŋ fata ì ma,

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

2 Mansoolu 21:14

Moo toomaalu mennu be tu la a la moolu kono, a be a koo dii la ì la le, a ye ì duŋ ì jawoolu bulu. Ì be ke la ì jawoolu bee ye le komeŋ ñapinkaŋ feŋo, aniŋ fuufuuri feŋo.

2 Mansoolu 23:27

Aduŋ Yaawe ye ñiŋ ne fo ko, a be Yahuuda moolu bayi la le ka bo a ñaatiliŋo la, komeŋ a ye Banisirayilankoolu bayi ñaameŋ. A be a koo dii la Yerusalaamu saatewo la le, a ye meŋ tomboŋ a faŋo ye, aniŋ Yaawe Batudulaa Buŋo, a ko a be a too ke la daameŋ to, ka ke a batudulaa ti.

2 Mansoolu 24:3

Ñiŋ kuwo keta Yaawe la kumoo le kaŋ ñiŋ kamma la a si Yahuuda moolu bayi ka bo a ñaatiliŋo la. Meŋ ye wo saabu wo le mu Mansa Manase ye junube jawoolu mennu bee ke,

2 Mansoolu 25:21

Bituŋ Babiloni mansa ye ì faa Ribula saatewo to jee, Hamati bankoo kaŋ. Ì ye Yahuuda moolu bondi ì la bankoo kaŋ wo le ñaama, ì ye ì samba ka tara mutoo kono.

2 Mansoolu 3:3

Hani wo, a tuta baara la junube kuwolu le la, Nebati dinkewo Yerobowamu ye Banisirayila duŋ mennu to, aduŋ a maŋ fata ì ma.

Nehemiya 9:32

“Wo to, m̀ Maarii Alla, ite le warata, i semboo warata, aduŋ i ñaasilaŋo warata le. Ite meŋ ka i la kambeŋo muta niŋ kanu bambaloo la, bataa kuwo kana dooyaa i ñaa koto, meŋ laata ǹ kaŋ, ǹ niŋ ǹ na mansoolu, maralilaalu, piriisoolu*, annabiyomoolu, m̀ mumuñolu, ka taa i la moo toomaalu bee, ka bo Asiriya mansoolu la waatoo la, ka naa bula bii la.

Jabuuroolu 51:13

Niŋ wo keta, m be junubelaalu karandi la i la siloolu la le, aduŋ ì be ì faŋ seyi la i ma le.

Yesaya 7:8

A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

Yeremiya 52:3

Yaawe la kamfaa le ye a tinna ñiŋ kuwolu bee laata Yerusalaamu kaŋ, aniŋ Yahuuda, fo labaŋo la a ye ì bayi ka bo a ñaatiliŋo la. Sedekiya naata balaŋo le tiliŋ Babiloni mansakewo la.

Yeremiya 7:15

M be ali bayi la le ka bo n ñaa koto, ko ŋa ali baadiŋ doolu bayi ñaameŋ, mennu mu Efurayimunkoolu* ti.”

Hoseya 12:3

Ì bonsuŋo Yaakuba, wo ye i miniŋ a fulandiŋ kotoo tonkoliŋo la le, biriŋ ì be ì baamaa wuluuñaŋo kono. Biriŋ a menta, a niŋ Alla ye keloo ke.

Amosi 5:27

niŋ ŋa ali bayi ka tara mutoo kono, ali be taa la fo ka tambi Damasiku la.” Yaawe le ye a fo, meŋ too mu Alla, Alihawaa Maariyo ti.

Mika 1:5

Ñinnu bee be ke la le, Yaakuba koomalankoolu la balaŋo kamma la, aniŋ Banisirayilankoolu la junube baaroolu. Ì la balaŋo sababoo keta jumaa le ti? Fo a maŋ ke Samariya le ti baŋ? Jumaa le keta jalambatoo sababoo ti batudulaa tintiŋolu* kaŋ, Yahuuda? Fo a maŋ ke Yerusalaamu le ti baŋ?

Mika 1:6

Wo to Yaawe ko, “M be Samariya ke la tumbuŋo le ti, kene kenseŋo. Jee ye ke wayini* yiri tutudulaa ti. M be a beroolu fayi la wulumbaŋolu le kono, ŋa a kenseŋyandi fo a fondamaŋolu to.

Mika 2:5

Niŋ waatoo siita ka ñiŋ kenoolu murundi ka bo alikuuroo la, ali te moo soto la Yaawe la moolu kono, meŋ be soŋ na ka sumandiroo ke ali ye.

5 Musa 32:20

A kumata ko, “M be m maabo la ì ma le, ŋa ì labaŋo juubee, jamaani jenkeriŋolu le mu ì ti, moolu le mu ì ti, foroyaa te mennu bala.

Yosuwa 23:13

wo to ali si a loŋ ko, Yaawe ali la Alla te tenteŋ na ka ñiŋ moolu bayi ali ye. Ì be ke la ali ye le komeŋ ŋaliŋo niŋ kutindiŋo, aniŋ ì be ke la ali ye le fanaa komeŋ, niŋ ì ka moo busa a koo to, waraŋ niŋ ŋaniŋo be moo ñaa kono. Aduŋ ñiŋ be tenteŋ na le fo labaŋo la ali kono, hani moo kiliŋ ne te tara la baluwo to ñiŋ banku kendoo kaŋ, Yaawe ali la Alla ye meŋ dii ali la.

Kiitindirilaalu 18:30

Bituŋ Dani lasiloo moolu ye Mika la jalaŋ leseriŋo wulindi ì faŋolu ye. Yonatani Lewi lasiloo moo, Kerisomu dinkewo, Musa mamariŋo, a niŋ a dinkewolu keta piriisoolu ti Dani lasiloo ye, ka naa bula fo waatoo la, tuma meŋ na ì jawoolu ye moolu samba mutoo kono bankoo doo to.