2 Mansoolu 17:14 - Mandinka Bible

¹⁴ Bari ì maŋ soŋ ka i lamoyi, aduŋ ì kaŋo jaata le komeŋ ì mumuñolu, wolu mennu maŋ laa Yaawe la, ì la Alla.

2 Mansoolu 17:14 Mawu Ofanana

2 Taarika 24:19

Bari hani wo Yaawe ye annabiyomoolu kii ì kaŋ, ka ì murundi naŋ a kaŋ. Ì ye ì dandalaa, bari ì maŋ i lamoyi.

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Nehemiya 9:29

“I ye ì dandalaa le ka ì murundi i la luwaa kaŋ kotenke, bari ì ye ì faŋ wara le, ì maŋ soŋ i la yaamaroolu muta la. Ì ye junuboo le ke i la kumoolu kunnatoo la, aduŋ ka i la kumoolu kanta, ka baara ì la, wo le ka moo balundi. Ì ye ì sañoo wulindi le, ka ì kaŋo jandi, aduŋ ì balanta le.

Jabuuroolu 106:24

Wo koolaa ì balanta taa la banku kendoo kaŋ ne, kaatu ì maŋ laa Alla la laahidoo la.

Jabuuroolu 78:22

kaatu ì maŋ dankeneyaa Alla la, ì maŋ laa ko a si tankoo dii noo ì la.

Jabuuroolu 78:32

Ñiŋ bee ñaa-wo-ñaa, moolu tententa le ka junuboo ke. A la kaawakuwolu maŋ a tinna ì ye laa a la.

Jabuuroolu 78:8

Wo be a tinna le ì te ke la ko ì mumuñolu, wolu mennu mu kanjaaroolu ti, aniŋ balannaalu. Ì keta moolu le ti dankeneyaa te mennu sondomoo to, foroyaa te ì kono Alla la kuwo to.

2 Musa 16:28

Bituŋ Yaawe ko Musa ye ko, “Ali be balaŋ na, ka n na yaamaroolu muta fo waati jumaa le?

2 Musa 32:9

Yaawe ko Musa ye ko, “Ŋa ñiŋ moolu loŋ ne, ì kaŋo jaata baake le.

2 Musa 33:3

Ali be taa bankoo le to, keekewo niŋ liyo ka woyi daameŋ. Bari nte faŋo niŋ ali te taa ñoo la, kaatu ali kuŋo jaata baake le, n si ali kasaara noo siloo kaŋ ne.”

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 48:4

Bayiri ŋa a loŋ ne ko, ali mu moo kuŋ jaariŋ baalu le ti, ali kaŋolu be jaariŋ ko newo, ali kuŋolu be bambandiŋ ko jaawaloo.

Yeremiya 3:7

Ŋa a miira le nuŋ ko, a la ñiŋ kuwolu bee keriŋ koolaa, a be muru la n kaŋ ne. Bari a maŋ muru naŋ, aduŋ Yahuuda faŋo ye wo je le, a baadiŋ jenkeriŋo.

Yeremiya 34:14

Sanji woorowulanjaŋ-wo-sanji woorowulanjaŋ ì ñanta le ka ì ñoŋ Hiburunkoo* meŋ-wo-meŋ firiŋ, meŋ ye a faŋo waafi ì ma joŋo ti. Niŋ a ye dookuwo ke a maarii ye fo sanji wooro, a ñanta le a ye a firiŋ. Bari ali mumuñolu maŋ i lamoyi n na, sako ì tuloo si i moyi n na.

Yeremiya 7:26

Wo ñaa-wo-ñaa moo maŋ i lamoyi n na, waraŋ ka ì tuloo loo n na. Ali naata ke kanjaaroolu ti, aduŋ ali ye kuruŋyaa ke le ka tambi ali mumuñolu la.

Esekiyeli 12:2

“Hee hadamadiŋo, i be sabatiriŋ moo muritiriŋolu le kono. Kaatu ñaa be ì la le, ì buka jeroo ke, tuloo be ì la, bari ì buka moyiroo ke, baawo ì mu balannaalu le ti.

Esekiyeli 2:3

Bituŋ a ko n ye ko: “Hadamadiŋo, m be i kii la Banisirayilankoolu mennu kaŋ, ì muritita m ma le. Ì be balandiŋ ne ka n na yaamaroolu muta, ka bo ì mumuñolu la jamaanoo la fo ka naa tuku bii la.

Esekiyeli 3:19

Bari niŋ a ye a tara i ye a maarii dandalaa le, aduŋ a maŋ soŋ ka a la kuu jawoo kewo bula waraŋ a la sila kuruŋo, a la wo kuruŋyaa le be a tinna la a ye faa. A la saayaa dunoo te tara la laariŋ ite kaŋ, aduŋ ite be tanka la saayaa ma le.

Daniyeli 5:20

Bari kabiriŋ a ye a faŋ wara, a jusoo jaata, a kufanta, Alla ye a bondi a la mansasiiraŋo kaŋ ne, a ye a la horomoo buusi a la.

Hoseya 11:2

Bari n ka ì kili ñaameŋ, ì ka jamfa n na wo le ñaama. Ì tuta sadaa* bo la Baali* jalaŋolu ye, ì ka cuuraayoo siisindi jalaŋ koteŋolu ye.

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

5 Musa 1:32

Ŋa ñiŋ kumoo fo ali ye ñaa-wo-ñaa, ali maŋ ali jikoo loo Yaawe kaŋ, ali la Alla.

5 Musa 31:27

Kaatu ŋa a loŋ ne ali kuŋo jaata ñaameŋ, aniŋ ali mu balannaalu ti ñaameŋ. M be ali fee ñaa-wo-ñaa, ali balanta Yaawe ma, sako niŋ n te baluwo to.

5 Musa 9:13

Yaawe ko n ye fanaa ko, “Ŋa a loŋ ne ko ñiŋ moolu mu moo kunjaaroolu le ti.

Hiburunkoolu 3:12

Baadiŋolu, ali ali hakiloo tu fo moo-wo-moo kana tara ali kono, meŋ ye jawuyaa niŋ lannabaliyaa soto a sondomoo kono, kaatu wo le ka a tinna, moo ka a koo dii Alla baluuriŋo la.