2 Mansoolu 16:7 - Mandinka Bible

⁷ Ahasi ye kiilaalu kii Asiriya mansa Tikilati-Pilesa kaŋ ka a fo a ye ko, “Ahasi ko ate mu i la dookuulaa le ti, aniŋ i dinkewo. I si taa a bondi Aramu mansa niŋ Banisirayila mansa bulu, mennu naata a kamma keloo la.”

2 Mansoolu 16:7 Mawu Ofanana

1 Mansoolu 20:4

Bituŋ Mansa Ahabu ye kiilaalu jaabi ka a fo ì ye ko, “Komeŋ ali ye a fo ñaameŋ, ali a fo m maarii Mansa Beni-Hadadi ye ko, nte niŋ n na feŋolu bee mu ate le taa ti.”

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 18:7

Yaawe tarata a fee le, aduŋ a dunta kuu-wo-kuu to ka a ke, a si ñaatotaa soto jee. A balanta Asiriya mansa ma le, aduŋ a maŋ soŋ ka tara a la maraloo koto.

1 Taarika 5:26

Bituŋ Banisirayila la Alla naata Asiriya mansa Puli, ì ka a fo meŋ fanaa ye ko Tikilati-Pilesa, maamandi ì kamma ka ì kele, aduŋ a ye ì bee samba mutoo kono. Wolu le mu Rubeni lasiloo ti, Kadu lasiloo aniŋ Manase lasili talanteemoo, a ye ì samba Hala, Habori aniŋ Hara tundoolu kaŋ, aniŋ Kosani Boloŋo daala, ka naa bula fo bii tiloo la.

2 Taarika 28:16

Wo waatoo la, Edomunkoolu boyita Yahuuda kaŋ kotenke, ì ye jee taa, ì ye mutamoolu samba, bituŋ Mansa Ahasi ye kiilaalu kii Asiriya mansa yaa maakoyiroo kamma.

2 Taarika 28:20

Bituŋ Asiriya mansa Tikilati-Pilesa naata Yahuuda, bari a maŋ naa ka a maakoyi, a naata le ka a mantoora.

Yesaya 2:6

Ite Yaawe, i ñoorita i la moolu, Yaakuba koomalankoolu la le, kaatu ì niŋ banku koteŋ moolu le ka kuu kafu. Tilibolankoolu la batuutaa kuwolu le be faariŋ ì sondomoolu kono, ì ka bitaaroo ke ko Filisitinkoolu.

Yeremiya 13:21

I be muŋ ne fo la, niŋ ì ye moolu marandi i kunna, ite faŋo ye mennu muta i teeroolu ti? Fo dimiŋo te duŋ na i la baŋ, ko dimiŋo ka musoo muta tiŋo to ñaameŋ?

Yeremiya 17:5

Yaawe ye ñiŋ ne fo ko: “Dankoo be moo le ye meŋ ka a jikoo loo hadamadiŋo kaŋ, ka taamaayaa balajaata kenseŋo la, ka jenke nte Yaawe la karoo la.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Esekiyeli 16:28

“I niŋ Asiriyankoolu fanaa ka cakayaa ke le, kaatu a buka i sii, bari hani wo bee koolaa i maŋ wasa.

Esekiyeli 23:12

A naata jarabi Asiriya moo kummaalu le la. A niŋ maralilaalu, kantiyolu, kelejawaroolu mennu ka sitifeŋ kallankeeyaariŋolu duŋ, niŋ suuborindilaalu, a niŋ ì bee ka cakayaa le ke. Ñinnu bee mu fondinkewolu le ti, mennu la kuwo be ñaaboo daa to.

Esekiyeli 23:5

“Ohola be futuwo la n ye waati meŋ na, a ka cakayaa ke, aduŋ a jarabita a laañoolu la mennu mu Asiriyankoolu ti.

Hoseya 14:3

Asiriya te ǹ kiisa noo la, ǹ te n tuuku la keleraŋ suwoolu la. Aduŋ m̀ buloo ye meŋ dadaa, ǹ nene te a fo la wo ye kotenke ko, ‘Ǹ na Alla.’ Aliyatiimoo ka balafaa soto ite le bulu.”

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.