2 Mansoolu 10:31 - Mandinka Bible

³¹ Bari wo ñaa-wo-ñaa Yehu maŋ Yaawe, Banisirayila la Alla la luwaalu muta a sondomoo muumewo bee la. A maŋ fata junube baaroolu ma, Yerobowamu ye Banisirayilankoolu dundi mennu to.

2 Mansoolu 10:31 Mawu Ofanana

1 Mansoolu 14:16

Aduŋ a be a koo dii la Banisirayila la le junuboolu kamma la, Yerobowamu ye mennu ke, aniŋ a ye a tinna Banisirayila ye ì ke.”

1 Mansoolu 2:4

Niŋ i sonta Yaawe ma, a be a la laahidoo timmandi la le. A ye ñiŋ ne laahidi ko, niŋ a ye a tara n koomalankoolu tilinta ka soŋ ate la yaamaroolu bee la niŋ ì sondomoo niŋ ì semboo bee la, itolu le be Banisirayila mara la.

2 Mansoolu 10:29

Bari a maŋ fata Nebati dinkewo Yerobowamu la junube kuwolu ma, wo meŋ ye a tinna Banisirayila ye junuboo ke. Yehu ye Beteli niŋ Dani sani ninsiriŋ jalambatoo kuwo tu looriŋ ne.

2 Mansoolu 17:22

Ì tuta baara la Yerobowamu la junube kuwolu bee le la. Ì maŋ fata ì ma,

2 Mansoolu 3:3

Hani wo, a tuta baara la junube kuwolu le la, Nebati dinkewo Yerobowamu ye Banisirayila duŋ mennu to, aduŋ a maŋ fata ì ma.

2 Taarika 6:16

“Yaawe, Banisirayila la Alla, i la laahidoo timmandi m faamaa Dawuda ye, i la dookuulaa, i ye meŋ dii a la nuŋ, kabiriŋ i ko a ye ko, ‘Niŋ a ye a tara i koomalankoolu ye ì hakiloo tu ì kekuwolu bee to ka taama n na siloo la, ko ite ye a ke ñaameŋ, wo to i te foo la moo la meŋ be sii la n ñaa koto Banisirayila mansasiiraŋo kaŋ.’

Nehemiya 10:29

ñinnu bee le naata kafu ì baadiŋ ñaatonkoolu ma, ì ye tawoo taa, ka i kali ko, ì be bula la Alla la Luwaa nooma le, meŋ diita ka bo niŋ Musa la, Alla la moo, aduŋ ì ko, ì be i kekuu la le ka Yaawe*, m̀ Maarii la yaamaroolu, kumoolu, aniŋ karandiroolu bee muta.

Jabuuroolu 119:9

Fondinkewo si a la baluwo taamandi noo seneyaa kono ñaadii le? A si a ke noo le, niŋ a ye Yaawe la kumoo muta.

Jabuuroolu 39:1

N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

Jabuuroolu 78:10

Ì maŋ kambeŋo muta ì niŋ Alla teema, ì maŋ soŋ a la yaamaroolu muta la.

Kuma Kotoomaalu 4:23

I sondomoo kanta ka tambi feŋo bee la, bayiri ate le mu duniyaa sambaraŋo ti.

Esekiyeli 36:27

M be n na Nooroo duŋ na ali kono le, meŋ be a tinna la ali ye bula n na yaamaroolu nooma kuuke, aniŋ n na saratoolu.

Daniyeli 9:10

Yaawe ǹ na Alla, ntolu maŋ i la kumoo muta, aduŋ m̀ maŋ soŋ ka bula i la luwaalu nooma, i ye mennu dii ǹ na ka bo niŋ i la annabiyomoolu la.

5 Musa 4:15

Baawo kabiriŋ Yaawe diyaamuta ali ye dimbaa maloo kono Sinayi Konkoo to, ali maŋ feŋ muluŋ je, wo to ali ali hakiloo tu,

5 Musa 4:23

Wo kamma la ali ali hakiloo tu, ali kana ñina Yaawe ali la Alla la kambeŋo la, a niŋ ali ye meŋ siti. Ali kana jalaŋo dadaa feŋ muluŋ na, kaatu Yaawe ye wo haraamuyandi ali ma le.

5 Musa 5:33

Ali si soŋ ì bee la, ali bula ì nooma fo kuwolu bee si laakuu ali ye, fo ali si siimaayaa bankoo kaŋ, ali be taa kaŋ daameŋ to, ka jee taa.

Hiburunkoolu 12:15

Ali ali hakiloo tu, fo moo kana foo Alla la hiinoo la ali kono, i si a je moo te duŋ na ali kono ko yirisulu kunaŋo meŋ si bataa baa saabu aniŋ ka jamaa nondi.

Hiburunkoolu 2:1

Wo kamma la, ǹ ñanta ǹ hakiloo tu la baake tooñaa kumoo to le, ŋà meŋ moyi, fo feŋ kana m̀ bondi a bala.