2 Mansoolu 1:11 - Mandinka Bible

¹¹ Mansa muruta tukuŋ a ye kelediŋ kuntii doo kii Eliya kamma, a niŋ a la kee taŋ luulu. Kabiriŋ a futata Eliya ma konkoo santo, a ko a ye ko, “Alla la moo, i tariyaa, mansa ko i ye jii naŋ.”

2 Mansoolu 1:11 Mawu Ofanana

2 Mansoolu 1:10

Bari Eliya ye a jaabi ko, “Niŋ a ye a tara m mu Alla la moo le ti, wo to dimbaa ye bo naŋ santo, a ye i niŋ i la kelediŋ kafoo kasaara.” Wo loo to dimbaa bota naŋ santo, a ye kelediŋ kuntiyo niŋ a la kee taŋ luuloo bee faa.

2 Mansoolu 1:12

Eliya ye a jaabi ko, “Niŋ a ye a tara m mu Alla la moo le ti, wo to dimbaa ye bo naŋ santo, a ye i niŋ i la kelediŋ kafoo kasaara.” Wo loo to dimbaa bota naŋ santo, a ye kelediŋ kuntiyo niŋ a la kee taŋ luuloo bee faa.

Kuma Kotoomaalu 29:12

Niŋ maralilaa ka i lamoyi faniyaa kumoo la, a la dookuulaalu muumee ka naa jawuyaa le.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

4 Musa 16:41

Wo saamoo Banisirayila jamaa moo bee woosiita Musa niŋ Haaruna ma. Ì kumata ì ye ko, “Alitolu le ye Yaawe la moolu faa.”

Matiyu 2:16

Kabiriŋ Herodi ye a je ko, ñiŋ looloo lonnaalu ye a neenee le, a kamfaata baake. Wo to le a ye yaamaroo dii ka kambaanendiŋolu bee faa, mennu siyo be sanji fula ka taa wo ye duuma la, Betilehemu saatewo kono aniŋ wo maafaŋo bee to. A ye ñiŋ bendi waatoo le fee, a ye meŋ loŋ ka bo wo looloo lonnaalu bulu.

1 Samuweli 6:9

bari ali si ali ñaalu tu looriŋ a kaŋ. Niŋ a taata fo a fansuŋ bankoo kaŋ, Beti-Semesi maafaŋo la, bituŋ ali si a loŋ ko, Yaawe le ye ñiŋ mantoora jawu baa laa ntolu kaŋ. Bari niŋ a maŋ tiliŋ wo to, bituŋ m̀ be a loŋ na le ko, a buloo maŋ laa ntolu kaŋ, a keta ǹ na le doroŋ.”