2 Mansoolu 1:1 - Mandinka Bible

¹ Mansa Ahabu la saayaa koolaa Mowabi bankoo ye balaŋo le tiliŋ Banisirayila la.

2 Mansoolu 1:1 Mawu Ofanana

2 Samuweli 8:2

Dawuda ye Mowabinkoolu fanaa noo keloo la le. A ka a ke le, ì ye i laa bankoo to. Moo saba-wo-saba, a ka fula le bo jee, a ye wolu faa. Moo sabanjaŋo, a ye wo tu jee. Wo to le Mowabinkoolu ye ì faŋ seyi a ma, ì ka naamoo joo a yaa.

2 Samuweli 8:6

A ye daakaalu loo Aramunkoolu la mansamarali bankoo kaŋ, meŋ na kundaa baa mu Damasiku ti, aduŋ Aramunkoolu sonta a ma, ì ka naamoo joo a yaa. Dawuda taata daa-wo-daa, Yaawe* ka a ke le, a ye nooroo ke.

2 Mansoolu 8:20

Yehoramu la mansayaa waatoo la, Edomu bankoo moolu ye balaŋo le tiliŋ Yahuuda bankoo la. Ì ye ì fansuŋ mansa le tomboŋ, ka ì mara.

2 Mansoolu 8:22

Edomu bankoo naata tara balandiŋ Yahuuda ma ka naa bula bii la. Wo waati kiliŋo la Libuna saatewo fanaa ye balaŋo ke.

1 Taarika 18:2

Dawuda ye Mowabinkoolu fanaa noo le. Bituŋ Mowabinkoolu ye ì faŋ seyi a ma, ì ka naamoo joo a yaa.

Jabuuroolu 60:8

Mowabi, wo mu n na bulu kuuraŋ miraŋo le ti. N ka n na samatoo wura Edomu bankoo le kaŋ ka n tooyaa yitandi a kunna. N ka wuuroo kumandi Filisitinkoolu ma le, n na ì noo kaŋ.”

4 Musa 24:7

Ali la tadoolu be kali tu la faariŋ ne, ali la fiifeŋolu be kali jiyo soto la famfaŋ, ali la mansakewo le la kuwo be wara la Mansa Akaki la kuwo ti, aduŋ ali la mansamarali bankoo be semboo soto la le.